31 Jul 2020 05:02

inkhel

Juventus-ah Cristiano hlawh a sang fal

Cristiano Ronaldo chu Juventus player zinga hlawh sang ber niin, kum khat chhunga a hlawh zat hi a khelhpuite chuan an hnaih pha lo hle.

Portuguese star Cristiano Ronaldo hian kum khatah €31 million a hlawh a, Juventus player zinga hlawh hnem ber dawttu chu Matthijs de Ligt niin, De Ligt hian kum khatah €8 million a hlawh a, an hlawh inthlauhna hi €23 million zet a ni.

Juventus chuan 2018 kumah khan Cristiano Ronaldo hi Real Madrid atangin an lei a, kar khata a hlawh zat hi €400,000 bawr vel niin an sawi a. Khawvela footballer zingah chuan hlawh hnem berte zinga mi a ni mek a, Juventus tana a khelhpuite hlawh leh a hlawh chu a inthlau viau a ni.

Kum 20-a upa Matthijs de Ligt chuan Ajax atangin nikum nipui lai khan Juventus hi a zawm a, Turin khawpuiah hian kum tin €8 million a hlawh a, an club player zingah chuan hlawh hnem ber dawttu a ni phak a ni.

Gonzalo Higuain leh Miralem Pjanic te chuan kum khatah €7.5 million an hlawh a, pathumnaah an awm a. Pjanic hian September thlaah Barcelona zawm a remti tawh nghe nghe a ni.

Paulo Dybala chuan kum khatah €7.3 million a hlawh a, palina niin, a hnuai chiahah hian kum khata €7 million hlawhtu Arthur Melo a awm bawk a. Aaron Ramsey leh Adrien Rabiot te chuan kum khatah €7 million an hlawh a, an hnuaiah hian €6.5 million hlawhtu Leonardo Bonucci leh Wojciech Szczesny te chu an awm ve bawk a ni.

Douglas Costa leh Sami Khedira te chuan €6 million an hlawh a, Juan Cuadrado leh Alex Sandro te chuan €5 million an hlawh bawk a. Federico Bernardeschi leh Danilo te chuan kum khatah €4 million an hlawh mek bawk a ni.

Kum khat chhunga Juventus player te hlawh:

Carlo Pinsoglio: €0.3 million

Gianluigi Buffon: €1.5 million

Merih Demiral: €1.8 million

Rodrigo Bentancur: €2.5 million

Mattia Di Sciglio: €3 million

Daniele Rugani: €3 million

Blaise Matuidi: €3.5 million

Giorgio Chiellini: €3.5 million

Danilo: €4 million

Federico Bernardeschi: €4 million

Alex Sandro: €5 million

Juan Cuadrado: €5 million

Sami Khedira: €6 million

Douglas Costa: €6 million

Wojciech Szczesny: €6.5 million

Leonardo Bonucci: €6.5 million

Adrien Rabiot: €7 million

Aaron Ramsey: €7 million

Arthur Melo: €7 million (will join from Barcelona in September)

Paulo Dybala: €7.3 million

Miralem Pjanic: €7.5 million (deal agreed to join Barcelona in September)

Gonzalo Higuain: €7.5 million

Matthijs de Ligt: €8 million

Cristiano Ronaldo: €31 million