​Jurgen Klopp-a'n Liverpool enkawl a hnial lo

06th October 2015, 02:10PM

Liverpool chuan German coach Jurgen Klopp chu an chhawr dawn ta niin Mirror chuan a tarlang. Klopp hian Liverpool transfer kalphung chu a duh zawng a nih avangin Anfield pan hi a remti ta niin Mirror chuan a tarlang a ni.

Liverpool thuneitute chuan tunkar chhung hian Jurgen Klopp chu Liverpool manager nih tir hman ngei an tum ruh hle a. Vawiin hian inbiakna mumal tak an nei dawn niin Mirror chuan a tarlang a, a chiang thawkhat hle ta niin a lang. Tin, Liverpool hian Ningani emaw Zirtawpniah emaw Jurgen Klopp hi an lalut hman dawn a ni.

Liverpool hian player naupang lakluh a, ropui taka chher chhunzawm chu an transfer system a ni a, chutiang chiahin Jurgen Klopp-a'n Borussia Dortmund a enkawl lai pawh khan Robert Lewandowski, Mario Gotze leh Marco Reus te pawh lalutin, khawvela player tha ber berah a chhuah chho a nih kha.

Pathiannia Liverpool-in Brendan an ban hnu khan a rang lamin Klopp hi an be nghal a, nimin lamah Klopp-a agent an biak hnuah vawiinah inbiakna mumal tak Liverpool hian an neihpui dawn ta a ni.

picture credit : Reuters

Copyright © inkhel.com 2024. All rights reserved.