​June thla hmain US Open khelh hun tur a hriat dawn rih lo

17th April 2020, 04:04PM

Kumin US Open khelh hun tur chu Juen thla hma chuan rel fel a ni dawn lova, entu mipui awm lova an khelh a rinawm loh bawk.

US Open hi New York khawpuia Flushing Meadows-ah August thla ni 31 atanga khelh tan tur ni mahse tum angin a awm theih dawn loh.

US Tennis Association (USTA) chuan team thar mithiam awm khawmna dinin, anni hian US Open khelh theih hun tur leh a him leh him loh te an rel dawn.

New York khawpuiah hian coronavirus avangin mi 10,000 an thi tawha, tunah hian lockdown chu May thla ni 15 thlenga pawhsei a ni leh tawh bawk.

USTA chief executive Mike Dowse chuan, “Eng pawh thleng thei a la ni renga, mahse zep lova tlang taka sawi dawn chuan mipui awm lova khelh hi chu a thlen hmel loh. Tennis hi chu mipui tel lova khelh mai mai chi a ni lova, mahse heng bakah hian player te leh support staff-te zawng zawng hriselna dinhmuna zir a ni. Kan mithiamte’n thutlukna an rawn siam fel hma chu entu mipui awm lova khelh hi kan tum lo,” a ti.

Copyright © inkhel.com 2024. All rights reserved.