May ni 3, Nilaini chawhma dar 11:00 AM khan Mr. Mukesh Kumar, President, JFI chuan Zemabawk North-ah Judo Training Centre a hawng. Judo Federation of India (JFI) hmalakna kal zelah India ram hmun hrang hrangah Training Centre hi hawn a ni tawh a, Mizoram Judo Hall, Zemabawk North, JFI Training Centre hawn hi vawi 12-na a ni.
Pu R. Vanlalduata, President, MJA kaihruaina hnuaiah centre hawnna inkhawm hi hman a ni a, Pu Dominic Lalremsiama, Secretary, MJA chuan Mizoram Judo Association (MJA) hruaitu inhmelhriattirna a neih zawh hnuah Pu John Kima, Vice President MSSC, Catch Them Young chairmain chuan thu sawiin, Catch Them Young Programme hnuaia Mizoram Judo Association (MJA) in hlawhtlinna a neih tawh te a lawmpui thu a sawi a, Mizoram State Sports Council pawhin an kal leh zelna turah chhawmdawl anin huam thu a sawi bawk.
Mukesh Kumar, President JFI chuan JFI Training Centre hawng tura Mizorama alo kal thei chu lawmawm a ti hle a, India ram hmun hrang hrangah Training Centre hi 12 an hawnna a nih thu a sawi. Mizo Judoka naupang tam tak a hmu h a vang a lawmawm a tih thu leh Mizo te hi talent nei tha tak an nih thu a sawi bawk. Kum hnih thum chauh khel a chawlh san mai lovin kum riat kum kua thleng tal taima taka khel a, International leh Olympic thleng turin a tam thei ang ber Judo hi tih tak meuh a zira hmasawn turin a fuih bawk.
Training centre hi tangkai taka hman a nih chuan Federation atangin chhawmdawlna leh Coach tha pek an nih tur thu a sawi a, Mizoram State Sports Council hmalakna te tha a ti hle bawk.
Pu Lalrinzuala, USAM President chuan Mizoam Judo Association te duhsakna a hlan a, Contact sports hi Mizo ten kan khelh chi a ni a, mizo tan kawng zau tak a in hawng mek a, tih tak zet a, sport luh chilh tuten hlawhtlinna an chang thin a, khawvelin Mizoram min hriatna turin sport hi kawng hnai ber a nih thu a sawi bawk.
He programme ah hian TNT te chuan Cultural programme neiin Cheraw leh Mizo hnam lam hmuhhnawm tak an entir a, President JFI chuan Mizo hnam lam chu mawi a ti hle a , Commonwealth Judo Championship, 2018 hi Jaipur-ah Opening Ceremony-ah Lam entir a tel turin a sawm nghal nghe nghe a ni.
(adsbygoogle = window.adsbygoogle || []).push({});