Joshua lakah indo ka puang - Wilder

06th November 2017, 03:11AM

Deontay Wilder chuan Bermane Stiverne laka WBC heavyweight kawnghren a humhim hnuin Anthony Joshua lakah indo a puang tih a sawi a, Britain boxer hi a cho zek zek.

Wilder hian Pathianni khan Barclays Center, Brooklyn-ah Stiverne hi a hmachhawn a first round-ah a knockout nghal.

A kawnghren a humhim hnuin Wilder chuan, "Țha ber ka ni tih hi ka hria. Joshua chu chu i fiah duh em? Hunrei tak ata kan in hmachhawn hun tur hi ka lo nghak tawh a i lakah indo ka puang e. I laka chona awm hi i hmachhawn dawn em?" tiin Joshua hi a cho.

American boxer Wilder hian Britain boxer Dillian Whyte a hmachhawn dawn lo niin a lang a, a chak veleh Whyte hian Twitter-ah Wilder hi nakkum February ni 3-a in hmachhawnpuiah a sawm.

Kum 2015 December thlaa Anthony Joshua hnehlotu hian cho viau mahse Wilder hian Anthony Koshua zawk hmachhawn a duh.

Sawi chhunzawmin Wilder chuan, "Pachhe tak Whyte min hmachhawn tir an tum. Lal chuan pachhe deuh a hmachhawn ngai lo. Lal chuan Lal bawk a hmachhawn țhin a Joshua hi hmachhawn ka duh. Min cho lo anih chuan tum dang kan nei."

"Khawvelin Joshua a duh a, khawvelin Wilder pawh a duh. Joshua hi ka hmachhawn duh. Joshua minlo hmu la pumpelh leh chhuanlam awm lo se, kan inhnek hun tur tifel ila țha zawk chu lantir ang hmiang." tiin a cho hle.

Copyright © inkhel.com 2024. All rights reserved.