UFC Vegas 44 neih zawh a ni a, main event nghahhlelhawm takah Jose Aldo chuan Rob Font a sawp hrep a, minute 25 an inbeih chhung a thunun hneh viau. Aldo hian knockout theihna hun remchang nei thin mah se a fimkhur angreng a, hneh takin game a thunun tluan ta zawk. Judge te mithmuhah pawh 50-45, 50-45 leh 49-46 in hnehna a chang. Aldo hian Petr Yan laka a chakloh hnuin bantamweight fighter tawrawt tak tak Marlon Vera, Pedro Munhoz leh Rob Font a hneh takah chuan title fight nei thei leh turin a dinhmun a sawhnghet tha hle.
Co-main event insual hmuhnawm takah third round naah spinning wheel kick hmangin TKO-in Rafael Fiziev chuan Brad Riddell a hneh a, MMA record 11-1 niin, Magomed Mustafaev laka a chakloh hnuin a zawnin vawi nga a chak leh tawh thung.
Insual langsar dangah Jamahal Hill chuan second 48 chhung lekin knockout-in Jimmy Crute lakah hnehna a chang bawk. Veteran fighter Clay Guida chuan Leonardo Santos chu rêk tlawmin; middleweight bout hmuhnawm takah Chris Curtis chuan technical knockout-in Brendan Allen a hneh bawk. Main card opener nghahhlelhawm takah Alex Moreno leh Mickey Gall insual bawkin unanimous decision-in Alex Moreno a chak.
Main card results:
Bantamweight
Jose aldo def. Rob Font unanimous decision
Lightweight
Rafael Fiziev def. Brad Riddell TKO (spinning wheel kick) Round 3, 2:20
Light Heavyweight
Jamahal Hill def. Jimmy Crute KO (punches) Round 1, 0:48
Lightweight
Clay Guida def. Leonardo Santos, Submission (rear-naked choke) Round 2, 1:21
Middleweight
Chris Curtis def. Brendan Allen TKO (punches and knees) Round 2, 1:58
Welterweight
Alex Morono def. Mickey Gall Decision (unanimous) (30–27, 30–27, 30–27)