26 Aug 2015 06:13

Inkhel

Mizo Sports Website hmasa ber

​John Stones-a'n chhuah a dil

Chelsea-in he defender kum 21 mi hi vawi hnih vawi thum an lo dawr tawh, an indawrna hnuhnung berah phei kha chuan Chelsea hian £30million lai an thehchhuak niin media te chuan an tarlang. Mahse Everton chuan an defender tha hi chhuah tir an phal lova, Chelsea dawrna chu an hnawl a nih kha.

Hetih lai hian Stones chuan thawhlehni khan chhuah dilna Everton-ah a thehlut niin media te chuan an tarlang. Training an neih hmain Stones hian Everton hotute hnenah chhuah dilna a thehlut niin sapram chanchinbu te chuan an tarlang a, heti a nih chuan Stones hian Chelsea a hnaih zel niin a lang ta.

Player berin chhuah a duh chuan Club-te tan chelh reng a harsa tawh thin, Chelsea chuan he centre-back hi an mamawh hle a, 2015/16 season bul Chelsea hian duhthusamin an tan lo, match thum atangin goal 7 lai an chhuah tawh, hei vang hian defender tha an mamawh tak zet niin an inhria a ni.

Stones hian 2013 January thla khan Merseyside club hi a zawm a, tunlai defender naupang zingah a duhawm ber pawl a ni mek. League cup match khelh hma pre-match press conference-ah Martinez chu media ten Stones chhuah dil chungchang an zawt, Martinez chuan.

"Puan tur leh sawi ho tur engmah hemi chungchangah hian a awm lo. Sawi zui tur pawh engmah a awm bawk hek lo a ni," tiin a sawi. Goodison Park a pan hnuah Stones hian Everton tan match 57 a khel tawh a, England tan a inlan tawh bawk a ni.