Film chang thiam em em, Academy Award nominee pawh lo ni tawh, Tom Hardy chuan weekend liamta khan Milton Keynes, England-a grappling competition-a pakhatna dinhmun a hauh.

He competiton-ah hian Hardy hian a khingpui te a hneh vek a, a division-ah champion niin, a hming dik tak Edward Hardy angin he competition-ah hian a inlan.

The Dark Knight Rises leh Venom atanga mi tam takin kan hriat lar kum 45 mi Hardy hian, kum 2011-a a film Warrior atan Brazilian jiu-jitsu a practice tan a, hemi atang hian tui chho in, a hun awlah grappling competition-ah a lo tel zeuh zeuh tawh a, a hmain lawmman dang pawh a lo dawng tawh a ni.

Brazilian jiu-jitsu ah Hardy hi blue belt a ni a, Wolverhampton, England-a REORG Open Jiu-Jitsu Championship neihah pawh a lo champion tawh bawk a ni.