Jail-ah Simpson a tang maithei.

21st May 2015, 04:05PM

Leicester defender Danny Simpson chu a bialnu hlui kutthlak thubuai vangin Jail-a tang thei dinhmunah a ding mek.

Manchester United defender hlui hian an puhna hi a pha a, nikum December ni 29 khan Police-in thubuai thehluh anih hnuin an man.

Manchester Magistrates Court chuan kum 28 mi Simpson hian a bialnu hlui hi Greater Manchester-a in pakhat Worsley-ah a rek lai hmuh a ni tih an sawi a, an thubuai hi an la hawng reng tih judge chuan a sawi bawk.

QPR full-back hlui ni bawk hi thlaleh hian a chungthu ngaihtuah a ni dawn a, jail-a tang thei dinhmunah a ding mek.

An buaina ber hi nikum December ni 28-a Hull City leh Leicester inkhelh zawh hnulawka thleng a ni a, Simpson leh a bialnu hlui Stephanie Ward hi in eipuar tura an chhuak an buai ta niin an tarlang.

Copyright © inkhel.com 2024. All rights reserved.