Kum 2026 Winter Olympics leh Paralympics chu Italy khawpui pahnih Milan leh Cortina-ah nghah a nih tur thu puan a ni a, International Olympic Committee (IOC) chuan Italy khawpui pahnih hi Sweden khawpui Stockholm aiin an thlang.

Skating sports leh ice hockey-te chu Milan-a khelh an ni anga, alpine skiing lam hi Cortina-ah nghah a ni ve thung dawn a ni.

Vur lam kaihhnawih infiamna dangte chu Italian Alps-ah te nghah an ni dawn a, he 2026 Winter Olympics hi February thla ni 6 atanga ni 22 thleng neih tur a ni dawn a, Winter Paralympics hi March thla ni 6 atanga ni 15 thlenga neih a ni bawk ang.

Italy-ah hian Winter Olympics hi an lo nghat tawh thin a, Cortina chuan kum 1956 Winter Olympics kha lo thleng tawhin, Turin khawpui chuan kum 2006 Winter Olympics a lo thleng tawh bawk.

Kum 2026 Winter Olympics thleng duh hi ram paruk an awm a, Italy leh Sweden-te bakah Switzerland, Japan, Austria leh Canada-te pawhin thlen tumin bei mahse a tawpah Sweden leh Italy bangin, Italy hi thlan an ni ta a ni. Milan leh Cortina –te hian vote tla 82 zingah vote 47 an hmu a, Stockholm nen an inthlau lem lo.