Italian GP pole position changtu Valentino Rossi

03rd June 2018, 03:06AM

Pathianni hian MotoGP Italian Grand Prix a awm dawn a, Inrinnia qualifying an tlanah Valentino Rossi chu a che tha ber a, pole position a chang a. MotoGP khawvelah pole position a chan vawi 55-na a ni.

Yamaha rider Valentino Rossi hi qualifying-ah hian a tlan tha bawk a, a aia tlan chak an awm lo a. Mugello circuit hel chhuak rang ber a ni a, lap 1 tlanna atan second 46.208 chiah a hmang a, track record thar a siam.

Vawi sarih ngawt world champion lo ni tawh Rossi hi a hmasa berah a ding khat ta hle a, kum hnih kaltaa pole position a chan bak kha pole position hi a chang leh thei ta mai lo a, 2016 hnuah chuan tun hi a vawi khat chan lehna chiah a ni a.

Valentino Rossi hian 2016 Japanese Grand Prix-ah pole position a chang a, mahse hei tum hian a chesual a, a tlan tluanchhuak thei ta lo.

Spanish rider Jorge Lorenzo chu pahnihnaah a ding ang a, Ducati rider hnung chiahah hian pathumna atangin Spaniard, Yamaha rider Maverick Viñales a awm bawk ang.

Tlar hnihnaah hian Suzuki rider, Italian Andrea Iannone bakah Ducati rider Danilo Petrucci leh world champion ni lai mek, Repsol Honda rider, Spanish Marc Márquez te an awm dawn a ni.

Qualifying result
1 Valentino Rossi (Yamaha)
2 Jorge Lorenzo (Ducati)
3 Maverick Vinales (Yamaha)
4 Andrea Iannone (Suzuki)
5 Danilo Petrucci (Pramac Ducati)
6 Marc Marquez (Honda)
7 Andrea Dovizioso (Ducati)
8 Cal Crutchlow (LCR Honda)
9 Johann Zarco (Tech3 Yamaha)
10 Alex Rins (Suzuki)
11 Jack Miller (Pramac Ducati)
12 Franco Morbidelli (MVDS Honda)
13 Tito Rabat (Avintia Ducati)
14 Hafizh Syahrin (Tech3 Yamaha)
15 Pol Espargaro (KTM)
16 Alvaro Bautista (Aspar Ducati)
17 Bradley Smith (KTM)
18 Takaaki Nakagami (LCR Honda)
19 Thomas Luthi (MVDS Honda)
20 Dani Pedrosa (Honda)
21 Aleix Espargaro (Aprilia)
22 Karel Abraham (Aspar Ducati)
23 Scott Redding (Aprilia)
24 Xavier Simeon (Avintia Ducati)

Copyright © inkhel.com 2024. All rights reserved.