Mahendra Singh Dhoni chuan Chennai-ah ngei an fan-te thlahliam a duh tih a sawi a, IPL 2023-ah Chennai Super Kings kaihruaiin khelmuala luh leh ala tum.

Kum 40 mi hian Zirtawpni zana Rajasthan Royals an hmachhawn hmain a awm dan tur hi Ian Bishop a hrilh.

India captain hlui chuan, "Chhan ṭha tak avangin IPL season tharah ka tel leh ang. Chennai-ah ngei fan-te thlahliam ka duh a an phu bawk.

"Mumbai-ah hian duhsakna leh lawm hlawh viau mah ila CSK fan-te tan a lungawithlak loh. Hmalam hun hre lo mah ila ṭha taka khel leh turin theihtawp ka chhuah ang." tiin a sawi.

Ravindra Jadeja inhnuhhniam avangin Dhoni hian Chennai captain nihna a chelh leh tawh a, Jadeja nen an inkarah inhmuh thiamlohna a awm niin sawi mahse thudik erawh a ni lo.

IPL-a vawi li champion tawh Chennai hian tun season an hmang chhe hle a, game 13 khel tawhin game liah chiah hnehna an la chang a ni.