June ni 30, Inrinni zan khan Chawnpui Branch YMA ten Golden Jubilee denchhen a an buatsaih Inter Branch YMA Basketball Tournament final chu Chawnpui Sports Centre-ah khelh a ni a, Ramthar Veng Branch chuan 74-62 a Chawnpui Branch hnehin an champion ta a ni.

He match-ah hian Ramthar Veng chakna atan a thawh hlawk tak Zonuna chu Most Valuable Player-ah thlan a ni.

Champion Ramthar Veng Branch hian Rs 1,00,000/- leh Trophy an dawng. Pahnihna Chawnpui Branch hian Rs 50,000/- an dawng thung.

Inkhel tan a ni a, Chawnpui chuan bul tan tha zawk mahse, first quarter a tawp meuh chuan Ramthar Veng chuan 16-13 in hmaanhruai thung a, second quarter-ah erawh Chawnpui insiam tha in 39-32 a hmahruaiin chawlhlawk an hmang ta a ni.

Third quarter tan a ni a, team pahnih te chungnung zawk awm hlei thei lovin an in lehthal zak zak a, Ramthar Veng chuan turnover an neih tuarin Chawnpui tan R-a leh Mawia te an thawh hlawk ve bawk nen third quarter a zawh meuh chuan Chawnpui chuan 43-35 in hmaanhruai ta a ni.

Quarter hnuhnung ber a hmuhnawm hle a, Chawnpui an rawn che tha chho hle. Hnehna chang zawk tur a rin kai zawk a ni tawh. 28 second ala awmin Ramthar Veng tan Zonuna leh Remsanga ten danglamna an rawn thlen ta. Chawnpui chuan time out call mahse Ramthar Veng an thawh hona a tha a, Chawnpui chuan chak ngei tumin nawr mahse hun a tawp meuh chuan Ramthar Veng chuan 74-62 a hnehna changin an champion ta a ni.