11th Inter School Basketball Tournament khelh mekah October ni 1, Thawlehni khan Hawla Indoor Stadium, Republic Vengthlangah High School leh Higher Secondary School ten semifinal an khel a, tihian final khel tir a hriat kim ta a ni.
High School inelnaah Mt Carmel leh Home Mission chuan an khingpui ve ve hnehin final an lut a, Higher Secondary School inelnaah St Joseph P leh Mt Carmel chuan an khingpui ve ve hnehin final an lut ve bawk.
Middle School hian September ni 30, Nilaini khan semifinal an khel tawh a, Holly Heart School leh Gospel Centenary School ten an khingpui ve ve hnehin final an lut a, final hi October ni 3, Ningani chawhma dar 9:30-ah an khel ang.
High school semifinal inkhel hmasa zawk Mt Carmel chuan 75-72 a Rev Saiaithanga Memorial hnehin final an lut a, inkhel hnuhnung Home Mission chuan 78-67 a Tuikual South hnehin final an lut bawk. Mt Carmel leh Home Mission hian October ni 3, Ningani chawhnu dar 1:00-ah final an khel ang.
Higher Secondary School semifinal inkhel hmasa zawk St Joseph P chuan 97-70 a St Paul's HSS hnehin final an lut a, Inkhel hnuhnungah Mt Carmel A chuan 107-90 a Govt Mizo HSS hnehin final an lut ve bawk. Final hi October ni 3, Niangni chawhnu dar 2:30-ah St Joseph P leh Mt Carmel ten an khel dawn ta a ni.
Hmeichhia inelna hi Open a ni a, school pariat tel zingah Govt Mizo School leh St Paul's School hian final an khel dawn ta a ni. Final hi October ni 3, Ningani chawhma dar 11:00-ah an khel ang.
October ni 1, Thawhlehni High School Semifinal Results
09:30 AM Mt Carmel 75-72 Rev Saiaithanga Memorial
11:00 AM Home Mission 78-67 Tuikual South
Higher Secondary School Semifinal Results
01:00 PM St Joseph P 97-70 St Paul's HSS
02:00 PM Mt Carmel A 107-90 Govt Mizo HSS
October ni 3, Ningani Middle School Final Fixtures
09:30 AM Holly Heart School vs Gospel Centenary School
October ni 3, Ningani Open Hmeichhia Final Fixtures
11:00 AM Govt Mizo A vs St Paul's
October ni 3, Ningani High school Final Fixtures
01:00 PM Mt Carmel vs Home Mission
October ni 3, Ningani Higher Secondary school Final Fixtures
02:30 PM St Joseph P vs Mt Carmel
(adsbygoogle = window.adsbygoogle || []).push({});