SBI Life Insurance 7th Mizoram Inter School Basketball Championship semifinal chu Hawla Indoor Stadium, Republic Vengthlangah khelh mek a ni a, September 1, 2015 Thawhlehni khan Middle School leh High School-ten semifinal an khel zo tawh a, September 3, 2015 Ninganiah HIgher Secondary School leh Girls semifinal khelh zui ve leh a ni ang.
Sikul naupang pual Basketball Championship-ah hian lawmmanah sumfai inpek a ni dawn lova, champion-ten Computer Set an dawng ang a, pahnihnain Refrigerators an dawng thung ang a, School tel zawng zawng hnenah Steel Almirah an dawn theuh bawk ang.
CDSE 57-44 KD Elementary (Middle School)
Semfinal inkhel hmasa ber Middle School inelnaah Centenary School Dawrpui (CDSC) chuan 57-44 in KD Elementary an hneh a, bul tan chhe zawk mahse second half an khel tha a, hnehna an chang ta a ni.
1st Quarter-ah 12-8 in KD Elementary School-in hma an hruai a, 2nd quarter-ah point 10 ve ve an hmuh belh a, half time-ah 22-18 in KD Elementary School-in hma an hruai a.
3rd Quarter-ah CDSC hian point 20 an hmuh belh laiin KD Elementary chuan point 10 chauh an hmuh belh thung. Quarter hnuhnung berah CDSC-in point 17 thunin, KD Elementary-in point 13 an thun ve bawk a. Point 13 zet a inthlauin, CDSC hian final an lut ta a ni. Inkhel hnuhnunga North Point leh Rosebud chak zawk zawk final-ah an hmachhawn ang.
Middle School-a final luh inchuhna hnuhnungah Rev.Saiaithanga leh New Hope School te inkhelah New Hope School chu disqualify an ni a. Rev.Saiaithanga School chu chakah puan a ni.
Game inhnehtawk takah hma an inhruaichhawk a, a tawpah New Hope chuan 44-32 in Rev.Saiaithanga School hneh mahse New Hope School lamah dan phal loha tel lui an awm avangin chak lova puan an ni ta a ni.
He championship khelh mek hi Middle School, High School leh Higher Secondary School inelna ni bawk mahse kum bithliah chin a awm vek a, New Hope School lamah hian over age player a awm tih complaint thehluh chu ngun taka Disciplinary Committee-in a chhuichian hnuah thudik a ni tih hrechhuakin, New Hope player hi Lalrinnunga, Jersey No.9 a ni a, fake ducument nen championship a khelh avangin inbumna lian takah MBBA Disciplinary Committee chuan ngaiin a khelhna New Hope High School chu chak lovah a puang a, Rev.Saiaithanga School chuan final an lut ta zawk a ni.
Rosebud 33-17 North Point inkhel boruak a sang hle. Inekhel tir atangin Rosebud an chungnung chhova, phu takin final an lut. Semifinal khel chhe deuh mahse middle School final-a an khingpui tur Centenary School Dawrpui nen inertawk hle tura ngaih an ni.
St.Pauls 80-78 Mt.Carmel (High School)
St.Pauls an ropui a, Mt.Carmel an lehthal! Quarter tinah Mt.Carmel-in hma an hruai chho char char a, hun tawp dawnah mak tak maiin St.Pauls-in an lehthal a, a mak tih bak Mt.Carmel fans tan sawi tur a awm lo.
quarter hmasa berah Mt Carmel-in 17-16 in hma an hruai. 2nd quarter-ah pawh Mt Carmel bawk an chungnung a, 42-36 in hma an hruai a, half time an hmang.
Second half-ah St.Pauls an insiam\ha tih a lang a, Carmel nen an hma an inhruai chhawk ta zak zak mai a, mahse quarter a zo a, Carmel-in 66-62 in hma an la hruai ta zel.
Quarter hnuhnung ber tir lamah pawh St.Pauls fans beng han thlep theihna turin Carmel lam an pawng chho leh hle mai a, mahse beidawng duh lo, St.Paul hun a inherchhuak a tawpah 80-78 in an lehthal. St.Pauls tan Lalremruata'n a khel tha fal kher mai a, point 41 zet mai a thun. Mt.Carmel lamah pawh VL Chungnunglura chuan point 33 a thun ve bawk.
Semifinal Fixture :-
Higher Secondary School & Girls
September 3, 2015 (Ningani)
10:30 AM Home Mission vs Govt.Mizo 'A' (HSS)
12:00 AM St'Pauls vs Helen Lowry (Girls)
02:30 PM St.Pauls vs St.Joseph (HSS)