Manchester City defender Manuel Akanji chuan Inter Milan a pan dawn ta a, club pahnih te hi loan chungchangah an inrem ta a ni.

Akanji hian loan fee €2m a nei dawn a, nakkum nipui bazarah Inter chuan Akanji hi an duh chuan an lei thei dawn bawk a, a man hi €15million (£12.97m) vel a ni dawn niin The Athletic chuan a tarlang.

Nakkum nipui bazara inlei leh lei loh chungchang hi Inter thu thu a ni dawn bik lo a, tun season Inter Game pumpui atanga a chanve chu Akanji hian a khelh ve a ngai dawn a. Tin, Inter hi Serie A-ah an champion a ngai dawn bawk niin Jordan Campbell chuan a tarlang a ni.

Kar hmasa Ningani khan Inter hmelma AC Milan chuan Akanji lak theih dan an dap a, Manchester City chuan loan-a chhuahtir ai chuan hralh an duh zawk a, indawrna a kal tluang thei ta lo. Turkish club Galatasaray pawhin Akanji hi an ngaihven a, City atangin Ederson lak dan an ngaihtuah bawk.

Switzerland international hian kum 2027 thleng Etihad Stadium-ah contract a nei a, hetih lai hian Guardiola-a hnuaiah inkhelhna hmun a chang tam lo chho. Tun season-ah pawh City tan a la inlan leh lo a ni.