26 Aug 2015 05:02

Asanga Tlau

Inter Milan ah Coentrao lut hnai

Sky Italia journalist Gianluca Di Marzio chuan Real Madrid leh Inter Milan te chu defender Coentrao transfer chungchangah an inrem tawh niin a sawi.

Kum 27 a upa Coentrao hi Santiago Bernabeu ah a nghet chiah tawh lova ngaih a ni a, boss thar Benitez-a lakah a tla na lo hle niin sawi a ni bawk nen tun nipui hian Serie A lam a pan mai a rinawm ta hle.

He Portugese international hi Ligue 1 champions Paris Saint-Germain nen pawh ni tlemte lek liam ta khan sawi zawm an ni nasa hmana, transfer fee ah bik phei chuan Inter aiin an thehchhuah hnem theih a rinawm zawk avangin France lam a pan thut lovang tih sawi lawk theih a ni lo bawk.

Tun dinhmunah erawh Coentrao hian Italy lam a hawi niin a langa, Gijon goal awm lova an draw tum pawh khan squad a tel a nih tawh loh avangin Madrid a chhuahsan mai dawn niin a lang ta.