Major League Soccer club Inter Miami chuan Barcelona captain hlui Lionel Messi an lalut dawn a, Messi an lak fel hnuah Barcelona player pathum dang dawr leh an tum niin chanchinbu mite chuan an tarlang.

Messi hian tun thla ral rualin Paris Saint-Germain a chhuahsan dawn a, Inter Miami-ah a inpu lut dawn a, Inter Miami a zawm tur thu hi Messi pawh hian Mundo Deportivo-in an kawnnaah a sawi tawh.

Inter Miami hian Messi-a team mate hlui pathum Sergio Busquets, Jordi Alba leh Luis Suarez te pawh lakluh an tum leh dawn nia sawi a ni a, an lalut thei vek dawn em tih erawh zawhna lian tak awm a ni.

Busquets leh Alba te chuan, tun thla a ral rualin Barcelona an chhuahsan ve ve dawn a, free agent an ni dawn a, club dang eng emaw zatin dawr mah se, Inter Miami an thlang lovang tih a sawi theih loh.

Kum 2020-a Camp Nou atanga inpu chhuak Suarez erawh tunah hian Brazilian club Gremio tan a khel mek a, kum 36 mi hian a thianpa Messi chu Miami lama zui luh a hnial lo niin chanchinbu mite chuan an tarlang a ni.