Serie A club Inter Milan chuan Monaco atangin an hmelma AC Milan pawhin a an beisei ve reng midfielder Geoffrey Kondogbia chu an lalut turin an be fel thei ta.

French midfielder Geoffrey Kondogbia an lakluh thu Inter chuan an official twitter account ah an tarlanga, vawiin hian medical paltlang hman tura beisei a ni.

AC Milan CEO Adriano Galliani chuan €40million zetin an be fel tawh anga a sawi hnuah Kondogbia chuan Inter Milan zawk a pan ta thung a ni.

Season hnih lai kum 22 a upa Kondogbia hian Monaco tan a khel hmana, UEFA Europa League champions Sevilla atangin kum 2013 khan he club hi zawmin, Ligue 1 ah vawi 48 lai a inlan hman a ni.