Inter Milan chuan loan-in Marseille midfielder Gianelli Imbula leh Barcelona right-back Martin Montoya an lalut fel lek lek tawh niin Sky Italia chuan an tarlang.

France Under-21 midfielder Imbula hian Roberto Mancini enkawl mek team hi season thar atan loan-a zawm a remti tawh a, a ngheta lei nghal theih turin Italian club hi a zawm ang.

Tottenham pawhin kum 22 mi Imbula hi an hel ve reng tih thawm a awm a, Inter Milan hian £24.9m sengin Monaco midfielder Geoffrey Kondogbia an lalut tawh bawk a season thar atan an inpuahchah nasa tawh hle.

Imbula hian season liamta khan Marseille tan game 38 khelin goal hnih a khung.

Spanish right-back Montoya pawh hian a ngheta luh nghal hisap thovin Inter hi season khat atan loan-a zawm a hreh lo va, Barcelona-ah khelhna hmun a chang pha meuh lo va season liamta khan La Liga-ah game riat chiah a khel phak.

La Masia academy atanga lo chawr chhuak hian belhkhawm chuan Catalan club tan hian game 67 a khel tawh a, goal hnih a khung tawh bawk a ni.