MFA Inter District 14th Sub Junior Football Championship chu March 12, Thawhlehni khan Serchhip Sport Complex-ah league round khelh zawh a ni a, Semifinal lut a hriat kim ta a ni.
Group A-ah Siaha DFA leh Kolasib DFA ten semifinal an lut chiang tawh bawk. Group B-ah Aizawl DFA leh Lunglei DFA chuan semifinal anlut ve bawk.
Group B match hnuhnung ber inkhel hmasa zawk Aizawl DFA chuan 2-1 a Lawngtlai DFA hnehin point 3 an hlawh chhuak a, point 9 neiin table-ah hmahruai chungin semifinal an lut a, inkhel hnuhnungah Lunglei DFA chuan 1-0 a Serchhip DFA hnehin point 3 an hlawh chhuak a, point 6 neiin table-ah pahnihna ni chungin semifinal an lut be bawk
Semifinal hi March ni 14, Ninganiah khelh tur a ni a, chawhma dar 11:30-ah Siaha DFA leh Lunglei DFA ten an khel ang a, chawhnu dar 1:30-ah Aizawl DFA leh Kolasib DFA ten an khel leh ang.
March 12, Thawhlehni Group B Results
12:30 PM - Aizawl DFA 2-1 Lawngtlai
(Vannunmawia 21', R. Lalrinchhana 44') (K. Lalramdinfela 59')
2:30 PM Lunglei DFA 1-0 Serchhip DFA
(R. Lalrinchhana 18')
(adsbygoogle = window.adsbygoogle || []).push({});