14 Mar 2019 05:46

inkhel

​Inter District Sub Junior Football Tournament final-ah Lunglei leh Aizawl

MFA Inter District 14th Sub Junior Football Championship chu March 14, Ningani khan Serchhip Sport Complex-ah semifinal khelh a ni a, Lunglei DFA leh Aizawl DFA chuan an khingpui ve ve hnehin final an lut. Final hi March ni 15, Zirtawpni chawhnu dar 1:00-ah khelh tur a ni.

Final luh in chuh inkhel hmasa zawk Lunglei DFA chuan 3-1 a Siaha DFA hnehin final an lut. goal lut te hi first half leh second half-a lut an ni a,  goal lut hmasa ber hi inkhel tan a tang a, minute 3-ah a lut a,  Lunglei tan K Lalramchhana khung a ni. Lunglei chuan inkhel thunun chhunzawm mahse goal an khung belh  mai thei bik tawh lo. Siaha pawhin an siphurh sut tumin nawr thin mahse, goal erawh an thun mai thei bik lo. Goal luh belh lo in hun chanve an hmang zo dawn emaw tih hnu huntawp dawn minute 1 ala awmin Lunglei tan R Lalrinchhana chuan an goal hnihna a khung leh a, Lunglei chuan 2-0 a hmahruaiin chawlh lawk an hmang zui ta a ni.

Second half tan a ni a, Siaha chuan an hun tha neih hmang tangkaiin minute 47-ah HC Willis Byhna chuan an siphurh sut then mahse, goal dang erawh an thun belh thei tawh lo. Lunglei tan minute 69-ah PC Rosangzuala chuan an goal thumna a khung zui leh a, hun tawp thlengin Siaha chuan an siphurh an sut thei tawh lo a, Lunglei chuan 3-1 in hnehna an chang ta a ni.

Inkhel hnuhnungah Aizawl DFA chuan 4-1 a Kolasib DFA hnehin final an lut ve bawk. Inkhelh tan a tang a minute 2-na lekah  Aizawl tan Lalrinchhana chuan goal hmahruai a khung nghal. Aizawl chuan inkhel thunun chhunzawm mahse goal an thun belh lawk thei rih lo. Minute 27-ah Aizawl chuan an hun tha neih hmang tangkaiin Lalrinchhana bawk chuan an goal hnihna a khung zui leh ta a ni.  Aizawl chuan nawr chhunzawm nghalin minute 33-ah Hmingchungnunga chuan goal a khung belh leh a, chawlh lawk a nih meuh chuan Aizawl chuan 3-0 in hmaanhruai ta a ni.

Second hlaf-ah pawh Aizawl bawk an chungnung zawk a, minute 52-ah C Lalrintluanga chuan an goal li na a khung zui leh bawk. Kolasib chuan goal thun ngei tumin counter attack-in an nawr let a, minute 67-ah Remruatkima chuan an goal khatna khung ve bawk mahse hun tawp thlengin goal dang an khung belh tawh lo a, Aizawl chuan 4-1 in hnehna an chang ta a ni.


March 14, Thawhlehni Semifinal Results

12:00 PM Siaha DFA 1-3 Lunglei DFA

(HC Willis Byhna 47') (K. Lalramchhana 3', R. Lalrinchhana 44', PC Rosangzuala 69') 

02:00 PM Aizawl DFA 4-1 Kolasib DFA

(Lalrinchhana 2', 27', Hmingchungnunga 33', C.Lalrintluanga 52') (Remruatkima 67')

(adsbygoogle = window.adsbygoogle || []).push({});