Samsung 3:16 Plan Solution MFA leh MZP buatsaih Inter College Futsal Tournament chu September ni 11, Nilaini zan khan Electric Veng YMA Hall-ah semifinal khelh a ni a, Govt Aizawl North College A leh Govt Hrangbana College B chuan an khingpui ve ve hnehin final an lut ta a ni. Final hi September ni 12, Ningani zan dar 8:00-ah khelh tur a ni.

Semifinal inkhel hmasa zawk Govt Aizawl North College A chuan 4-3 a Govt Hrangbana College A hnehin final an lut. Team pahnih te inkhel a hmuhnawm hle a, First half-ah Govt Hrangbana College A chuan inkhel thunun zawkin R.Lalchhantluanga leh HP Lalremruata chuan goal khat ve ve an khung hnuah 2-0 a Govt Hrangbana College A chuan hmahruaiin chawlhlawk an hmang zui ta a ni.

Second half-ah Govt Aizawl North College A insiam thain David Laltlansanga chuan an siphurh arawn sut zo. Govt Aizawl North College A an phur thar Lalruatfela leh Vanlalmuanpuia chuan goal khat ve ve rawn khung belh leh in 4-2 in an lehthal ta zawk a, Govt Hrangbana College A chuan an siphurh sut ngei tumin an nawr let a, huntawp dawn minute 1 ala awmin Joel Lalmuanpuia an siphurh sut then mahse, huntawpin a nang zui a, Govt Aizawl North College A 4-3 in hnehna an chang ta a ni.

Semifinal inkhel hnuhnungah Govt Hrangbana College B chuan 7-4 a Govt T Romana College B hnehin final an lut ve bawk. Inkhel tan a ni a, Govt T Romana College B chuan an hun tha neih hmang tangkai hmasa zawkin Vanlaldawnga chuan an hmahruaina khung mahse, Govt Hrangbana College B tan T. Lalsiamkima chuan an siphurh a sut zui nghal zat thung. Govt T Romana College B tan Michael Laltanpuia chuan minute 3 chhungin goal hnih a rawn khung zui leh a, 3-1 in Govt T Romana College B chuan hmahruai mahse, an hruai reilo kher mai. Govt Hrangbana College B tan Lalchungnunga chuan an siphurh a sut then hnuah Lalfelkima chuan minute 1 chhungin an siphurh a rawn sut zo vek a, 4-3 a Govt Hrangbana College B chuan hmahruaiin chawlhlawk an hmang zui ta a ni.

HBC 'B'

Second half-ah Govt Aizawl North College A tan Ronan N. Beilyhnalychhi chuan an siphurh sut mahse, Govt Hrangbana College B tan Lalfelkima chuan goal hnih a khung belh bakah T. Lalsiamkima chuan goal khat khung belh bawkin an lehthal ta zawk a, Govt Hrangbana College B chuan 7-4 in hnehna an chang zui ta a ni.

September ni 11, Nilainiah semifinal Results

07:30-ah Govt Aizawl North College A 4-3 Govt Hrangbana College A

(David Laltlansanga 30', 35', Lalruatfela 36', Vanlalmuanpuia 38') (R.Lalchhantluanga 11', HP Lalremruata 13', Joel Lalmuanpuia 39')

09:00-ah Govt T Romana College B 4-7 Govt Hrangbana College B

(Vanlaldawnga 2', Michael Laltanpuia 6', 9', Ronan N. Beilyhnalychhi 23') (T. Lalsiamkima 3', 36', Lalchungnunga 15', Lalfelkima 18', 19', 24', 29')

September ni 12, Ningani Final Fixtures

08:00 PM Govt Aizawl North College A vs Govt Hrangbana College B

(adsbygoogle = window.adsbygoogle || []).push({});