Samsung 3:16 Plan Solution MFA leh MZP buatsaih Inter College Futsal Tournament September ni 12, Ningani zan final inkhelah Govt Aizawl North College chuan 5-4 a Govt Hrangbana College hnehin an champion.
Champion Govt, Aizawl North College te hian Rs Rs 20,000/-Trophy + Medal + Certificate an dawn bakah Fair Play lawmman Rs 3,000/- an dawng tel bawk. Top Scorer-ah goal 11 khungtu David Laltlansanga chu thlan a ni a, Best Player-ah PC Zothansanga chu thlan ni bawkin an ni hian Govt Aizawl North College ve ve an ni a, Rs 1000/- Trophy an dawng tel bawk a ni.
Pahnihna Govt, Hrangbana College hian Rs Rs 10,000/- Certificate + Medal an dawng a, Best Goal Keeper-ah RS Lallawmzuala, Govt Hrangbana College B, chi thlan a ni a, Rs 1,000/- Trophy a dawng tel bawk a ni.
Govt Aizawl North College A 5-4 Govt Hrangbana College B
(David Laltlansanga 1', 17', 23', Vanlalmuanpuia 6', Titus Lalnunpuia 28') (C. Lalrinmawia 14', 20', Zoṭhasanga 20', T. Lalsiamliana 28')
Final inkhel a hmuhnawm hle a, team pahnih te an intluk tawk hle. Inkhel tan a ni a, minute 1 aral hmain Govt Aizawl North College tan David Laltlansanga chuan an hmahruaina goal a khung nghal. Govt Aizawl North College chuan chuan annawr chhunzawm a, minute 6-ah Vanlalmuanpuia chuan an goal hnihna khung leh in 2-0 in hma an hruai rih.
Govt Hrangbana College chuan nawr letin minute 14-ah C. Lalrinmawia chuan an siphurh sut then mahse, Govt Aizawl North College tan minute 17-ah David Laltlansanga bawk chuan an goal thumna a rawn khung zui leh a, 3-1 a ni ta.
Govt Hrangbana College anbeidawng bik lo. Hnehna chan ngei tumin an nawr let a, minute 20 aral hmain C. Lalrinmawia leh Zoṭhasanga chuan goal khat ve ve rawn khungin an siphurh an rawn sut. 3-3 in an inhnehtawkinnhun chanve an hmang zo ta a ni.
Second half-ah Govt Aizawl North College chuan annawr nghal a, minute 23-ah David Laltlansanga bawk chuan hattrick siamna goal rawn khungin 4-3 in hma an hruai ta. Govt Hrangbana College chuan an siphurh sut ngei tumin an nawr let a, minute 28-ah T. Lalsiamliana chuan an siphurh sitna goal rawn khung mahse minute 28 aral hmain Govt Aizawl North College tan Titus Lalnunpuia chuan an goal ngana rawn khungin 5-4 in Govt Aizawl North College chuan hma an hruai zui leh a, Govt Hrangbana College chuan an siphurh hi huntawp thlengin an sut thei tawh lo a, Aizawl North College chuan hnehna an chang zui ta a ni.
Lawmman
Champion: Govt Aizawl North College A, Rs 20,000/- Trophy + Medal + Certificate
Runner Up: Govt Hrangbana College B, Rs 10,000/- Certificate + Medal
Semi Finalist: Govt Hrangbana College ‘A’, Govt T. Romana College ‘B’, Rs 5000/-
Fair Play: Govt Aizawl North College A, Rs 3,000/-
Mimal Lawmman
Top Scorer: David Laltlansanga, Govt Aizawl North College A, 11 goals, Rs 1,000/- Trophy
Best Goal Keeper: RS Lallawmzuala, Govt Hrangbana College B, Rs 1,000/- Trophy
Best Player : PC Zothansanga, Govt Aizawl North College A, Rs 1,000/- Trophy
(adsbygoogle = window.adsbygoogle || []).push({});