08 Feb 2020 03:42

inkhel

​Inter Branch YMA Volleyball Tournament neih a ni dawn

February ni 8, 2020 (Inrinni) khan Central YMA office, Tuikhuahtlangah Central YMA leh Mizoram Volleyball Association chuan inremna siam felin, May 26, 2020 atangin Inter Branch YMA Volleyball Tournament khelh turin anrel. 

Central YMA Sports Sub-Committee Chairman Pu R Lalrinmawia kaihhruaina hnuaiah pawl pahnih aiawhten thawh ho leh ni se an ti a, vawi eng emaw zat hlawhtling taka an lo buatsaih tawh angin May 26 atangin R Dengthuama Indoor Stadium, Mualpuia khelh tan turin ruahmanna an siam a ni.

Central YMA leh MVA hian kum khat kar danah YMA branch hrang hrang volleyball inelna an buatsaih thin a, kuminah hlawhtling lehzuala an kalpui theih nan organising committee an din nghal a, Chairman-ah Pu R Lalrinmawia, YMA ruatin Vice Chairman-ah Pu Lalmawizuala, MVA, Secretary-ah Pu C Lalfakzuala, YMA, Joint Secretary-ah Pu H Vanlalngura, MVA bakah committee member tur an ruat fel nghal bawk a ni.

Inter Branch YMA Volleyball Tournament hi vawi 21 huaihawt a ni tawh a, Muanna Veng mipa team leh Bungkawn hmeichhe team-te chu champion lai an ni a, YMA branch hrang hrang inelna tur a nih rualin Mizoram pawna YMA branch-te tan joint YMA hminga tel phaksak an ni.