10 Jul 2019 05:56

inkhel

Inter Branch YMA Football Tournament QF lut YMA Branch Team 2 an awm tawh

Suzuki Gixxer 250 20th Inter Branch YMA Football Tournament Round of 16 chu July ni 10, Nilainiah AR Lammualah khelh a ni a, inkhel vawihnih awmin Republic Veng leh Hnahthial Joint chuan an khingpui ve ve hnehin quarterfinal an lut. July ni 11, Ninganiah khelh chhunzawm leh a ni ang a, inkhel vawi hnih a awm leh ang.

12:00 PM Lungchhuan 0-5 Republic Veng

(Lalhriatpuia 17', 29', 76', F Lalrinpuia 22', Lalruatfela 83)

Inkhel hmasa zawk Republic Veng chuan singa faiin Lungchhuan an hneh a, quarterfinal an lut. Republic Veng tan Lalhriatpuia chuan hatttrick a siam a, F Lalrinpuia leh Lalruatfela chuan goal khat ve ve an khung bawk.

Goal lut te hi first half leh second half-a lut an ni a, goal hmasa ber hi minute 17-ah Lalhriatpuia khung a ni. F Lalrinpuia (Valpuia) chuan an goal hnihna a khung hnuah Lalhriatpuia bawk chuan an goal thumna khung zuiin hun chanve an hmang zo.

Second half-ah goal hnih a luh belh a, huntawp dawnah goal hnih a lut a, Lalhriatpuia chuan an goal lina khungin hattrick a siam a, Lalruatfela chuan an goal nga na khungin Republic Veng chuan 5-0 in hnehna an chang ta a ni.

02:00 PM Hnahthial Joint 4-4 Lengpui

(Jakob Vanlalhlimpuia 16', Isaac Vanmalsawma 41', 57', Ramdinthara 59') (Larry Lalrinawma 10', 47', F Lalremsanga 11', F Lalchhuanmawia 71')

(Penalty Shootout-ah Hnahthial Joint 3-2 in an chak)

Inkhel hnuhnung zawk Hnahthial Joint leh Lengpui te hunpangngaiah 4-4 a an inhneh tawk hnuah penalty shootout-in chak zawk zawn a ni a, Hnahthial Joint chuan 3-2 a hnehna changin quarterfinal an lut bawk.

First half-ah Lengpui tan Larry Lalrinawma leh F Lalremsanga chuan goal khat ve ve an khung chu Lengpui chuan Jakob Vanlalhlimpuia leh Isaac Vanmalsawma hmangin an siphurh an rul a, 2-2 a inhneh tawkin chawlhlawk an hmang zui ta a ni.

Second half-ah Lengpui tan Larry Lalrinawma chuan an goal thumna khung mahse, Hnahthial Joint tan minute 2 chhungin  Isaac Vanmalsawma leh Ramdinthara  chuan goal khat ve ve an khung zui nghal a, 4-3 in Hnahthial Joint chuan hmaanhruai ta zawk a ni.

Goal luh belh tawh lo in Hnahthial Joint chuan 4-3 in hnehna an chang dawn emaw tih hnuah Lengpui tan F Lalchhuanmawia chuan an siphurh sutna goal a khung ve leh a, goal dang luh belh tawh lo in hunpangngaiah 4-4 in an inhneh tawk ta a ni.

Penalty shootout-in chakzawk zawn a ni a,  Hnahthial Joint chuan 3-2 in hnehna an changin quarterfinal an lut ta a ni. 

July ni 11, Ningani Fixtures

12:00 PM Armed Veng vs Zawlnuam Borai

02:00 PM Salem vs Phulpui

July ni 12, Zirtawpni Fixtures

12:00 PM Tuithiang vs Durtlang

02:00 PM Chanmari vs Khawzawl Joint

July ni 13, Inrinni Fixtures

12:00 PM Bethlehem Vengthlang vs Bawngkawn

02:00 PM Ramhlun North vs ITI Veng

(adsbygoogle = window.adsbygoogle || []).push({});