Suzuki Gixxer 250 20th Inter Branch YMA Football Tournament semifinal chu July ni 18, Ningani khan khelh ni a, inkhel vawi hnih awmin Armed Veng leh Chanmari chuan an khingpui ve ve hnehin final an lut ta a ni. Final hi July ni 20, Inrinni chawhnu dar 3:00-ah khelh tur a ni. 

Semifinal inkhel hmasa zawk Armed Veng leh Bethlehem Vengthlang te minute 120 an inkhelh chhungin goal lut a awm lo a, penalty Shootout-ah Armed Veng an vannei ta zawk a ni. Hunpangngaiah goal lut a awmlo a, extra time khelh a ni a, goal lut ala awm loh avangin penalty Shootout-in chak zawk zawn a ni a, Bethlehem Vengthlang tana pet C Lalrintluanga pet chu Armed Veng keeper KC Vanlalruatdika chuan a dan sak a, K Lalthathanga chuan goal kham a pet per bawk. Armed Veng tana pet Lalramchullova chiah in a pet goal lo a, Armed Veng chuan 4-2 a hnehna changin final an lut ta a ni.

Semifinal inkhel hnuhnung zawk Hnahthial Joint leh Chanmari te hunpangngaiah goal lut awm lo in an inhneh tawk a,  extra time an khelh hnuah pawh goal lut awmlo bawkin an inhneh tawk zui leh a, Penalty Shootout-in chak zawk zawn a nih hnuah Chanmari an vannei ta a ni.

July ni 18, Ningani Semifinal Results

12:00 PM Armed Veng 0-0 Bethlehem Vengthlang

(Penalty Shootout-ah Armed Veng 4-3 in an chak)

MOM: Lalawmpuia (Optea) Armed Veng

02:00 PM Hnahthial Joint 0-0 Chanmari

(Penalty Shootout-ah Chanmari 4-1 in an chak)

MOM: Rosangliana, Chanmari

(adsbygoogle = window.adsbygoogle || []).push({});