Inter Milan chuan Juventus midfielder hlui Felipe Melo chu Galatsaray atangin £8m sengin an lalut. Inter hian £1.5m an sen belh leh tura ngaih a ni bawk.
Brazil international kum 32 a upa hi Inter in tunhnai lawka player an lakluh lian zual 3 zinga 1 a ni ta a, Brazil chhuak kum 22 a upa defender Alex Telles chu Galatasaray atang thovin loanin an hawh tawha, Roma atangin Serbia international forward kum 23 mi Adem Ljajic pawh loan thovin an lalut tawh bawk.
Inter hian season bul an tan tha hle a, league game vawihnih an khelh tawhah an la chak ve ve a ni.