Stoke City nena sawizawm Xherdan Shaqiri chuan a khelh mekna Inter Milan chhuahsan tumna a nei lo tih a sawi.

Switzerland international midfielder hian January thla khan Bayern Munich chhuahsanin Inter Milan hi a zawm a, The Sun chuan Stoke City nen inbiakna an nei tawh niin an tarlang.

Stoke hian January thla khan kum 23 mi Shaqiri hi lakluh an lo tum tawh hrim hrim a, mahse an hlawhtling lo va Italian club hi a zawm.

Shaqiri chuan, "Inter-ah hian ka awm chhunzawm ang. Season tharah chuan kan thazual dawn a, a chhan chu player tha kan lalut a champion kan tum ang." tiin Albanian website FC-Inter.net hnenah a sawi.

Tun nipui transfer hun in hawng mekah Inter Milan hian €35m sengin French midfielder Geoffrey Kondogbia an lei tawh a, season liamta khan Serie A-ah pariatna an ni a in tuai thar an tum hle.