Cristiano Ronaldo chuan Lionel Messi leh Neymar te khumin Instagram Sport Rich List 2018 ah pakhatna a ni.

Portugal captain Cristiano Ronaldo Instagram account a thil post pakhat zelah $750,000 (£570,000) chu a chet a ngai dawn a, hei hi Ronaldo post zawng zawngah erawh ni loin, sponsored post bikah chauh a ni a. Heng sponsored post bikah hian a sponsor tu te chuan Ronaldo post pakhatah $750,000 (£570,000) zel an theh chhuah a ngai ang.

HopperHQ.com chuan Instagram post hi an vil a, heng atang hian milar zinga pawisa chettir nasa ber hi an thlang a. Pakhatna dinhmun hauhtu Cristiano Ronaldo hian follower pawh maktaduai 133 zet a nei a, tun hnaiah phei chuan thlalak a post nasat avangin a account tlawhtu an thahnem thei hle.

Hetiang taka a account tlawhtu an tam avang hian company lam pawhin an thil siam fakna atan remchangah an lo hmang ve a, fakna atan bika Ronaldo thil an post tir hian vawi khat post zelah company hian $750,000 (£570,000) an chawi zel a ngai dawn tihna a ni.

Neymar, Lionel Messi, David Beckham leh Gareth Bale te chu Top 5-ah an lang a. Neymar-a account a sponsored post chu $600,000 (£457,000) zel a ni a, Lionel Messi account-a post man chu $500,000 (£381,000) a ni bawk.

David Beckham chuan $300,000 (£228,000) zel a beisei laiin Gareth Bale chuan sponsored post pakhatah $185,000 (£141,000) a beisei ve bawk a ni.

Kum 33-a upa Ronaldo hi footballer huang chauh loah pawh a thleng sang hle a, khawvel puma milar zingah pawh pathumna a ni pha a. Kim Kardashian leh Beyonce te chu a khum a. Kylie Jenner chu a chungnung berah a awm a, sponsored post pakhat zelah $1,000,000 (£762,000) a dawng a, pahnihnaa awm Selena Gomez chuan post pakhat zelah $800,000 (£610,000) zel a lalut bawk a ni.