Mizo ten kan ngaihnat em em prediction chu inkhel chuan tun season Premier League atangin tih tan leh kan tum a, League tan ruala he rinsiak hi hman theih turin rawn chhawpchhuah kan tum mek a ni.
Kar 3 lek chhungin developer tha tak (Lailen)-te nen kan han buaipui chu a ni a, hun a tlem si, a hautak kher mai. Mahse a hun takah hman theihin kan rawn chhawpchhuak dawn e.
A kalphung tur tlangpui :
1. Thla khat hi Round 1 a ni zel ang a, thla khat chhungin Matchday hi vawi 4 vel a awm ziah dawn tihna a ni. Matchday vawi 3 awm chang pawh a awm ang a, harsatna a awm lo ang. August thla hi Round 1 a ni ang a, September thla hi Round 2 a ni ang a, chutiang zelin. Round tinah lawmman sem a ni ang.
2. Match tan hma 48hrs-ah prediction automatic-in a inhawng zel ang a, match tan rualin automatic-in a in khar(Close) zel ang.
Points pek dan tur :
A score nen lam i ring dik a nih chuan point 5+1 = 6 points i hlawhchhuak ang. A chak zawk tur i ring dik a nih erawh chuan point 1 i hlawhchhuak ang.
Entirna : Tottenham leh City match-ah hian Spurs hi 1-0 in chak tir ta la. Result dikah erawh Spurs-in 2-0 in hnehna lo chang ta se. A chak zawk i rin dik tho avangin point 1 i hlawh ang. Result dik tak goal score nen lam 2-0 -a i predict chuan score i rin dik manah point 5 i hlawh anga, a chak zawk i rin dik tho avangin point 1 i hlawh bawk ang a, a vaiin point 6 i hlawh dawn tihna a nih chu.
Standings :
Round tin lawmman sem a nih dawn avangin Round tawpa standings chu lawmman sem dan tur a ni dawn. Points inang hmu an awm a nih chuan an rankings thliar hran a ngai dawn ta a. Points inang hmu pahnih emaw pahnih aia tam emaw an awm chuan heng hi thliar hranna tur a ni ang.
1. Chak zawk ring dik hnem
2. Prediction nei hnem zawk
3. Inkhel app-a activity nei hnem zawk.
Round tin standings hran a awm anga, Season khat tawp standings a hranin a awm dawn bawk a ni.
Entry Fee leh lawmman
Round 1 tel man hi coins 10000 a ni a, coins hi online payment hmangin i lei phawt ang a, chumi zawhah Round khat atan i coin 10000 kha i thehchhuak ang.
A tel zawng zawng atanga a chanve velin Round tin lawmman dawng tura ruahman a ni a, GST leh maintenance cost cut hnuah prize pool puan zar a ni ang.
Pakhatna, pahnihna leh pathumna te prize a tha ang a, top 10 ho prize a inang anga, top 20 ho prize a awm leh anga, top 50 prize a awm leh anga, top 100 prize a awm leh ang. Top 100 hnuailam erawh tel tam dan azirin lawmman dawng thei chin ruahman a ni ang.
Round khat a zawh hmain prize a claim theih dawn loh a, round zawh veleh a claim zel theih ang.
Login/register :
Inkhel app-a inziaklut tawh chuan an account ngai an hmang chhunzawm thei dawn a. Inkhel app-a la inziaklut lo tan erawh a thara sign up a ngai dawn a ni. Inkhel app-a lo inziaklut tawh, comment pawh lo pe nual tawh in awm hlawm, account tharin inziaklut lo ula, in comment te kha points hmuh zat inang a awm huna thliar hranna tur tehfung tha tak a ni tih hre reng ang che u.
Rinsiak Prize Distribution Sample :
Tel kan tam dan azirin prize dawng thei chin hi kan bithliah thar zel ang a. GST te cut vek hnua prize pool Rs. 36,000 vel a nih chuan hetiang hian prize sem a ni ang. (Hei hi percentage sample a nih hi aw)
Diamond hi Round 1 (Thla khat) winner a ni tihna a ni a, Rs. 36,000 atangin 15% a dawng ang. Platinum hi 2-na a ni a, Gold hi pathumna.
Silver (Top 10) hi han en ta ila, palina atanga sawmna thleng an ni a, mi 7 te chuan 13% an insem ang a, top 10-a awm mi pakhat zelin Rs. 668 an dawng thei dawn tihna a nih chu. Top 20, 50, 100 leh 200 te percentage tarlan a ni zel bawk a, individual rewards hi mimalin a dawn theih prize tihna a nih chu.
top 200 thlengin hetiang zat prize pool a awm chuan lawmman sem a ni ang. Mi sang chuangin he rinsiak hi an khel a nih phei chuan lawmman dawng thei chin kha an tam zel thei dawn tihna a ni.