Barcelona midfielder Arda Turan chuan a teammate Andres Iniesta sawiselna tur a hre hlawl lo ni tur a ni, Barca star chu a ngaihsan thu sawiin amahah a inzir nasat thu a sawi bawk.
Turkey international hian 4-1 a Espanyol an hneh tum khan Barca tana a game hmasa ber a khela, Iniesta kianga a khel thei chu nuam a ti hle ni tur a ni, Catalunya Radio ah Iniesta chu a IDOL a lo nih reng tawh thu a sawichhuak.
Mi thenkhatin kum thum chauha kan inthlauh chung pawha ka entawn hi mak an ti thin a, keia tan chuan thil mak a ni lova, a kianga khel tura Barca ka zawm hi ti fuh ka inti hle tiin Turan chuan a sawi.
Lionel Messi chungchang sawi kaiin ani chu el phak rual loh a ni a, player tha ber a ni. A dawtah Neymar tiin a sawi chhunzawm bawk.