Andres Iniesta chhuah atanga thla nga hnuah, Vissel Kobe chuan tunhmaa an la tawn ngailoh hun ropui tak an tawng a, vawi khat nan J-League-ah an champion.

Barcelona leh Spain midfielder hlui Iniesta hian Thitin thla khan UAE Pro League club Emirates Club a pansan a, a hun hnuhnung lamah Takayuki Yoshida-in a chhawr tam lo hle. Japanese club hian Iniesta khelh tam loh chinah hmuh theihin hma an sawn a, a chhuah hnuah pawh an danglam phah lo.

Zirtawpni zan khan 2-1 in Nagoya Grampus an hneh a, khelh hmabak match khat la nei mahse umphak theih an ni tawh lo. An captain Hotaru Yamaguchi chuan a hun tawn tawha ropui ber leh chhinchhiahtlak ber tiin an boruak a sawifiah a, huntawp dawn hnaihah an zauthau nasa hle tih chanchinbu mite hnenah a sawi.

Noevir Stadium-a inkhelah hian Haruya Ide leh Newcastle striker ni thin Yoshinori Muto-te goal khung an chakpui a, an hnuai chiaha awm Yokohama F Marinos tan lehpelh theihna emaw nihrual theihna hun a awm tawh lo. An champion tih a chianna inkhelah hian Chelsea leh Manchester United midfielder hlui Juan Mata a lut lova, bench-ah awmin a thiante inkhel a en tluan zak a ni.