16 Sep 2015 04:45

Inkhel

Mizo Sports Website hmasa ber

​Inhliam vanga thla thum chawl tur Wilshere

Arsenal midfielder Jack Wilshere chu a ke hliam a dam chak loh em avangin zai a ngai leh dawn ta a, thla thum tal a chawlh a ngai dawn niin Arsenal official statement chuan a tarlang.

August thla khan Wilshere hian hliam a tawk leh a, September thla hian rawn kir hman tura ngaih ni mahse a hliam a dam chak loh em avangin zai a ngai leh dawn. Wilshere hian a kheimit a ti hliam a, a ruh chelh nan thir phum hial a ngai dawn niin a lang.

Kum 23 mi Wilshere hian nikum khan a ke veilam vawi hnih zai a lo ni tawh a, 2014 November thla khan Man Utd a hmachhawn naah a ke a ti hliam a nih kha. FA Cup final May thlaa khelhah khan Villa a rawn hmachhawn leh a, June thlaa England-in Euro 2016 qualifying a khelh tumin Slovenia lamah goal hnih a khung leh bawk. 2011 khan pre-season ah a inhliam bawk a, thla 15 lai a chawl a nih kha, inhliam reng rengin hun a hmang chho ta a ni.

Arsenal chuan thuchhuah siamin, "Jack-a ke kan endik hnuah beisei aiin a dam chak lo hle tih hriat a ni a, thla thum tal a chawlh a la ngai dawn a ni," tiin.

picture credit : Getty