Hnam hrang hrangin infiamna chi hrang hrang kan nei a. Thenkhat chu a makin a hautak em em bawk. Khawvel hmun hrang hranga infiamna dangdai tak takte lawrkhawm ila.

Chess boxing :

Tharum ringawt a ni lo, thluak hman tel a ngai. An inhnek hrep hnuah chess an khel zui a. Game hautak tak a ni.

Prison rodeo :

Bawng kawlh karah poker game an khel hem mai, game hlauhawm tak a ni.

Mud Olympics :

Mud Olympics hi Germany khaw pakhat Brunsbuettel-a neih thin a ni a, chirhdiakah ball an inchuh thin a ni.

Arm wrestling :

Arm wrestling hi chu infiamna mak dangdai a ni lo, arm wrestler Matthias Schlitte erawh a dangdai thlawt. Ban dinglamin a elh thin a, a ban veilam leh dinglam a inlen hleih hle.

Wife carrying :

He infiamna hi chu khawvel huap pawhin a lar hial a ni, Finland-a neih thin a ni a, patlingte chuan an nupuite an pu a, an intlansiak thin a ni.

Street luge :

Kawnga tawlaia tawlh a ni mai ang chu, hetianga tawlh thinte hian 157km/h vela chaktein an tawlh thei zuk nia!

Toe wrestling :

Kutzungpui sual chu naupan laiin kan ti thin, kezungpui sual tak erawh kan ti tam lo maithei, sap ho pawhin an lo uar ve hle a nih hi.

Extreme ironing :

Hei zet chu a dangdai hle mai, tuichhungah istiri hmangin kawr an nawt mam, inelna buaithlak tak a ni chiang mai.

Pig racing :

America ramah vawk intlansiak tir hi an uar thin. Mizoramah chuan ei atan deuh chauh vawk hi kan vulh thin a, sap ramah chuan pet pangngai angin an vulh thin.

Camel wrestling :

Camel wrestling hi kum 2000 liamta atang daih tawha an lo chin than tawh a ni a, Turkish mipuite chinchhuah niin Camel te chu an nghawng an inbawhbeh tir a, chu chu an en thup thin.

Slamball :

Basketball atanga infiamna thar an duan chhuah a ni a, sawh sanna (trampolines) ah zuangin dunk an tum thin.

World Beard and Moustache Championships :

Hmuihmul leh khabehmul dangdai apiang pakhatna nih theihna a ni, zuah sei deuhte pawh a ngai thin hle reng a ni.

Hot-dog eating :

Takeru Kobayashi kan rilruah a rawn lang nghal awm e, Takeru Kobayashi kha Hot Dog-Eating Contest-ah vawi 6 lai pakhatna a ni thei a, pa len leh len loh lam a ni vak lo, ei thei bik hi chu an awm chiang a ni.

Bog snorkelling :

Lei laihkhurah tui nu tak an dah a, chutah chuan an inhleuhsiak thin.

Pea Shooting :

Hamphuh kan tih mai thin hi class room-ah pawh kan lek nasa ve thin a nih kha, tlar hma lama thiante kah nan kan hmang thin. Sap ho chuan competition mumal takin an lo nei thin a nih hi.

Underwater kissing :

Tui chhungah an infawp, a dan chu a har lo lutuk, thaw lova infawp rei thei thei a ni mai, Mizoramah pawh ti ila phur tak tak an tam khawp ang le.

Cheese rolling :

Britain-a an tih thin a ni a, awih tlanah cheese an lum a, chu chu man tumin a huhovin an um ta thin a, an lum tawp tawp thin.

Gurning :

Kum 700 chuang chu he infiamna hi Britain-ah an nei ta, mahni hmai hmuam hnem thei ber nih an tum thin a ni.

Underwater ice hockey :

Tui hnuaiah Ice Hockey an khel, game khelh harsa ber pawl a ni ngei ang le.