12 Jun 2019 12:02

bakteaJr.

Mizo tlangval

​Infiammi zinga sum lalut hnem ber Messi

American megazine lar Forbes chuan kumin chhunga infiammi sum hai lut hnemte a tarchhuak leh ta a, a chung bera awm hi Barcelona leh Argentina captain Lionel Messi a ni.

Forbes chuan tun thla 12 chhung khan Messi hian a hlawh bakah thil dang dang avangin $127m (£99.8m) a lalut niin a tarlanga, Cristiano Ronaldo chuan a pha lo.

Juventus leh Portugal thiampuipa Ronaldo hian $109m (£85.6m) lalutin pahnihnaah a awm a, pathumnaah hian Paris Saint-Germain leh Brazil star player Neymar a awm a, Neymar hian $105m (£82.5m) a lalut ve thung.

Pakhatna atanga pathumna hi footballer vek niin palinaah erawh boxer a lang ve thunga, Mexican boxer Canelo Alvarez chu palinaah awmin $94m (£73.8m) a lalut. Palinaah tennis player ropui Roger Federer a awm ve leh a, ani hian $93.4m(£73.3m) a lalut ve bawk.

Forbes tarlanah hian top 100-ah hmeichhe pakhat chiah a langa, American tennis player Serena Williams chu 63-naah awmin $29.2m (£22.9m) a lalut.

British infiammi zingah Formula 1 driver Lewis Hamilton leh boxer Anthony Joshua te sum lakluh a tam ber a, anni hi 13-naah ve ve awmin, $55m (£43.2m) an lalut.

Premier League player zingah Manchester United midfielder Paul Pogba a sang bera, ani hi 44-naah awmin, $33m (£25.9m) a lalut ve bawk.

Nikuma sum lalut hnem ber Floyd Mayweather-a tan kumin top 100-ah hmun a awm lo a ni.

Kum 2019 chhunga Forbes in infiam mi sum hai lut hnem ber a tarchhuah zinga a sang zual 10 te:

  • 1.Lionel Messi - $127m (£99.8m)
  • 2.Cristiano Ronaldo - $109m (£85.6m)
  • 3.Neymar - $105m (£82.5m)
  • 4.Canelo Alvarez - $94m (£73.8m),
  • 5.Roger Federer - 93.4million (£73.3m)
  • 6.Russell Wilson - $89.5m (£70.3m)
  • 7.Aaron Rodgers - $89.3m (£70.1m)
  • 8.LeBron James - $89m (£69.9m)
  • 9.Stephen Curry - $79.8m (£62.7m)
  • 10.Kevin Durant - $65.4m (£51.3m)