25 Mar 2020 05:00

inkhel

Infiammi zinga ropui berah Michael Jordan an thlang

Michael Jordan chu khawvel hmun hrang hranga infiamna ngainatute chuan infiammi awm tawh zawng zawnga ropui berah an thlang.

Basketball superstar hian a vanglaiin NBA title vawi 6 ngawt mai a la hman a, baseball pawh rei vak lo a khelh hman bakah Hollywood khawvelah a tel ve hman a, Space Jam ah khan a chang a ni.

TheTopTens website kal tlanga vote an lakah hian NBA star hian boxer ropui Muhammad Ali te, ice hockey star Wayne Gretzky bakah baseball legend Babe Ruth te chu a khum a. Top 50 sport stars of all time 50 an thlan chhuahah hian hmeichhe tennis star Serena Williams chu telin, 26-naah a awm a, amah chiah hi hmeichhe awm chhun a ni.

Tui hleuh thiam hmingthang, Olympic gold medal 23 zet mai la thei Michael Phelps chu pangana a ni a, a hnuai chiahah hian Jamaican sprinter Usain Bolt chu a awm a. Baseball, basketball leh American football khel thei, pentathlon leh decathlon velah pawh tel, all-rounder Jim Thorpe chu pasarihna niin, a hnuai chiah, pariatnaah hian baseball leh American football star Bo Jackson chu a awm a ni.

North American star ni lo zingah chuan Brazilian football legend Pele a thleng sang ber a, pakuanaah a awm a, a hnuai chiahah hian Top 10 tikim turin tennis superstar Roger Federer chu a awm bawk a ni.

Infiammi 50 an thlan chhuah zingah hian infiamna peng hrang hrang an fawm kim hle a, WWE, boxing, pole-vaulting, cycling, skateboarding leh golf te pawh a tel hlawm a. 21-naa awm Tiger Woods te, 14-naa awm Lionel Messi te leh 15-naa awm Cristiano Ronaldo te chu hming langsar zualpui an ni.

Kungfu thiam hmingthang Bruce Lee pawh a lang a, 13-naah a awm a, WWE star John Cena chu 25-naah a lang bawk a. Boxer rothap Mike Tyson chu 27-naah a awm a, NBA star Kobe Bryant chu 32-naah a awm bawk a ni.

Boxer ropui Floyd Mayweather Jr chu 36-naah a awm a, Magic Johnson chu 37-na a ni bawk a. Zinedine Zidane chu 42-na niin, a hnuai chiahah hian skateboarder lar Tony Hawk chu a awm a. WWE star Dwayne ‘The Rock’ Johnson chu 49-naah awmin, Zlatan Ibrahimovic chu 50-na a ni.

Top 50 sports stars of all-time:

50. Zlatan Ibrahimovic (football)

49. Dwayne "The Rock" Johnson (WWE)

48. Ian Thorpe (swimming)

47. Kareem Abdul-Jabbar (basketball)

46. Chris Hoy (cycling)

45. Serguei Bubka (pole vaulting)

44. Drew Brees (American football)

43. Tony Hawk (skateboarding)

42. Zinedine Zidane (football)

41. Barry Sanders (American football)

40. Michael Vick (American football)

39. Haile Gebrselassie (athletics)

38. Brett Favre (American football)

37. Magic Johnson (basketball)

36. Floyd Mayweather Jr (boxing)

35. Jackie Robinson (baseball)

34. Larry Bird (basketball)

33. Carl Lewis (athletics)

32. Kobe Bryant (basketball)

31. Derek Jeter (baseball)

30. Michael Johnson (athletics)

29. Peyton Manning (American football)

28. Daley Thompson (athletics)

27. Mike Tyson (boxing)

26. Serena Williams (tennis)

25. John Cena (WWE)

24. Jim Brown (American football)

23. Jerry Rice (American football)

22. Gordie Howe (ice hockey)

21. Tiger Woods (golf)

20. Tom Brady (American football)

19. Wilt Chamberlain (basketball)

18. Don Bradman (cricket)

17. Jesse Owens (athletics)

16. Bobby Orr (ice hockey)

15. Cristiano Ronaldo (football)

14. Lionel Messi (football)

13. Bruce Lee (martial arts)

12. LeBron James (basketball)

11. Joe Montana (American football)

10. Roger Federer (tennis)

9. Pele (football)

8. Bo Jackson (baseball/American football)

7. Jim Thorpe (athletics, American football, baseball and basketball)

6. Usain Bolt (sprinting)

5. Michael Phelps (swimming)

4. Babe Ruth (baseball)

3. Wayne Gretzky (ice hockey)

2. Muhammad Ali (boxing)

1. Michael Jordan (basketball)