13 Aug 2020 04:09

inkhel

India Taekwondo chuan Referee and athlete commission a din

India Taekwondo chuan tun kar thawhtanni khan Angela Naik kaihhruaiin Referee Commission a din thar. He referee Commission-ah hian Mizo pa ngei Master Joseph Thansanga, 5th Dan Black belt, International referee chu Committee mi 20 thlan chhuah zingah telin a hnarkaitute zinga mi a ni nghe nghe.

India Taekwondo hian he mi rual vek hian Saurav Krishan leh Prajakta Ankolekar kahhruaina hnuaiah Athlete Commission a din thar bawk. Athlete Commission chuan Player te a theih ang bera enkawlna tha an dawn theih nan hma an la dawn a ni.

India Taekwondo President Namdev Shirgaonkar chuan hemi chungchang hi sawiin, “Tunah zet chuan India Taekwondo hmalam eng tak nei tura inphun nghehna kawng kan zawh chho zel hi ka lawm em em a, World Taekwondo pawhin tiam chin awm lo lek a min phurpuina leh tawiawmna ah ka lawm em em bawk a ni” a ti.

President chuan sawi zawmin, “Referee leh Athlete Commission te referee leh player-te tan zirna leh hmasawnna thahnem tak an paw chhuak ngei dawn tih hi ka ring tlat a, ka thawhpui tha tak takte hian naupang zawkte talent haichhuah a tihpun kawngah kan ram hi hma a sawnpui ngei dawn a ni. Kan tum ber chu thangtharte tana an hma huna kawng sahkuak leh tawiawm tlat hi a ni.” a ti bawk.

Referee Commission hian infiamna fel fai leh thianghlim buatsaih leh enkawl kawnga rah chhuah tha nei turin an bei chho mek a, World Taekwondo dan leh hrai hnuaia infiamna enkawldan felfai inzirtir zel hi an hmalakna hmasa tur a ni. Hemi kawnga hmalakna kalzelah online in meeting neih reng a ni bawk a, Online championship nei turin inbuatsaihna an kalpui mek bawk.

India Taekwondo hian World Taekwondo a coach tha tak takte hnen atangin online hmanga zirtirna leh tawiawmna a dawng tha hle a, Level 1 leh 2 a coach license course pawh online in neih a ni nghe nghe. Coach licensed committee pawh exam mumal tak nen din chhoh zel tura ruahman a ni bawk.

Chutiang bawkin Athlete Commission, Krishan leh Ankolekar kaihhruaina hnuaia din chuan player te hamthatna chungchangah leh an mamawh ang an neih theihna tura hma la turin mawhphurhna hlen chhuak turin an bei bawk.

Ankolekar hi Poomsae thiam bik a ni a, 13th South Asian Games ah pawh India team te silver medal lakpuitu a ni. Hemi tum hian Mizo player pathum an tel nghe nghe a, Gold Medal la vekin Governor pawhin lawmpuina a hlan bawk a ni. 13th South Asian Games ah hian India atangin Official mi 3 koh niin Mizo pa nge Master Joseph Thansanga paweh Official a ni nghe nghe a ni.

Saurav Krishan hi Kyorogi thiam bik niin, 13th South Asian Games a India team in silver medal an dawnna a team captain a ni. A thiam bikna avang hian Haryana staqte atangin Bhim Award a dawng nghe nghe a ni.

Mizoram hian hma kan sawn nasa hle a, Master pahnih neiin Master VL Sawma, 5th Dan Black belt leh Master Joseph Thansanga, 5th Dan black belt te anni a, International referee anni ve ve bawk. Master te pahnih hi Taekwondo inpui, South Korea a International referee pass chhuak leh Master Joseph Thansanga hi khawvel huapa ti tha ber pawl a ni nghe nghe.

(adsbygoogle = window.adsbygoogle || []).push({});