May ni 17, 2016 khan All India Football Federation's (AIFF) headquarter New Delhi-ah IMG-Reliance, League club hruaitu zawng zawng leh mi sawm bikte chuan India rama Football League kalphung thar tur an duang a, an thurel tlangpui chu hetiang hi a ni.
India rama league lian pahnih khelh hun inang lo leh player ngai hmang ISL leh I-League te chu hmun khata chhunfin a ni dawn em? Tih chu India rama football ngainatute thlir mek a nih laiin, May ni 17-a inhmuhkhawmnaah hian ruahmanna thar neih a ni ta a. India ramah league san dan indawt pathum a awm anga, Indian Super League chu league sang ber a ni anga, League One chu a dawttu niin, League two chu a hniam ber a ni dawn a ni.
Indian Super League chu tuna ISL-a team 8 te hian an khel leh anga, team 10 tal awm tura ruahman a ni a, hetah hian India ram state lian ISL club la neilote atangin bid theihin an hawng leh dawn a ni. League One chu tuna I-League club-te awmkhawmna ( www.inkhel.com) a ni dawn a, hei hi tih len tura ruahman niin, team 10 awm tura ruahman a ni.
Top Tier Indian Super League-ah hian relegate theih lohvin hun tiam chhung an khel dawn a, League One leh League two-ah erawh tuna I-League leh 2nd Division kalpui a nih dan ang hian relegation leh promotion a awm dawn a. League One mawng team hnihte chu League two-ah an tlathla anga, league two chung pahnihte chu League One-ah an chho dawn a ni.
Tuna kalphungah chuan I-League hi kum tir lamah khelh a ni a, Federation Cup hi kum laihawlah khelh a ni a, kum tawp lamah Indian Super League khelh a ni leh a. 2017-18 season an khelh hun tur chu November atanga March thla inkarah a nih beisei a ni a, ( www.inkhel.com) Fed Cup pawh April leh May thlaa khelh a nih a rinawm. India hian 2017 Under-17 World Cup kan thleng dawn a, hei hi October thlaa khelh tur a ni. 2018-19 season chu September atanga March thla chhung a ni dawn a ni.
ISL club-te hian AFC licensing criteria an neih vek a ngai dawn a, ISL team thar tur pahnih bid-te pawhin license an neih vek a ngai dawn a ni. ( www.inkhel.com) ISL leh League One te chu Starsports-ah Live telecast an ni dawn a, match tin Live Stream a ni bawk ang. League two erawh regional channel-ah chhuah a ni thung ang. AIFF chuan League One leh League two club-te chu sum lamah nasa takin a pui bawk dawn a ni. Tin, Womens League pawh neih a ni tawh dawn bawk a, kumin November thla atanga tan a ni ang.
Fed Cup chu Indian Super Cup tih a ni tawh anga, ISL, League One leh League two atangin team 28 ten an khel tawh anga, ( www.inkhel.com) Indian Super Cup champion leh runners up-te chuan AFC Cup an khel ang. India rama football khel thin a tam thei ang berin eizawnna an neihna tur AIFF hian a ngaihtuah a, tun dinhmunah India ramah hian State 29 leh Union Terrirtories 7 atang hian Football club pangngai tak nei chu State 15 chiah an ni a, kum 2020-ah chuan professional team 50 lai league thum an ruahman tharah hian an awm thei tawh tura ngaih a ni. Hemi chungchangah hian AIFF chuan thuchhuah engmah a la siam lo a ni.
2018/19 season atanga India Football calendar chu hetiang hi a ni tawh ang:
August : Champions Cup
September – March : ISL, League 1 and League 2
November – February : Women’s League
April – May : Super Cup
Note : Inhmuhnawm vawi khatna a ni a, Club lam ngaihdan pawh hriat a la ni lo, he kalphung thar an han pharh chhin hi kaltlangpui theih a ni dawn em? Tih chu an la rel chho zel dawn a ni.