PUBG Mobile chu 2018 atang khan khelh theiha tlangzarh tan a ni a, hemi hnuah hian khawvel hmun hrang hrangah he game kheltu hi an pung chak hle a. India ramah pawh atchilhtu an tam a, he game khel thin tam tak zinga a thiam zual thlan chhuah tlemte chanchin kan tarlang dawn a ni.
India ram chhung ringawtah hian PUBG Mobile an tlangzarh atanga kum khat leh a chanve vel chhungin player tha tak tak an awm hman teuh a, heng zinga player tha zual thlan chhuah 10 te han thlir kual ila.
10. Carry
Carry hi professional PUBG Mobile player niin, GodLike Esports team member a ni a, hun rei vak lo chu Orange Rock ah pawh a tel. Indian Tigers-ah Esports khawvel huang a dai lut tan a, PMCO Spring Split Prelims Global Stage-ah khan India aiawhin a tel ve nghe nghe a ni. PMCO India Finals 2020 ah kills 33 neiin MVP atan an thlang a, Carry hian four-finger claw setup neiin, non-gyro player a ni.
9. Smokie
Smokie hi India ram chhungah chuan PUBG Mobile player upa ber niin an sawi a, Team INS tana a chet that theih em avanga mi hriat hlawh chho a ni. Long range spray velah a tha em em a, hei vang hian miin an hriat phah leh zual a. Team kaihruaitu tha tak mai niin, tunah chuan Team GodLike ah Carry, Exizt leh Gill te nen an awm a ni.
8. Daljitsk
Orange Rock Esports tana khel mek Daljitsk hi PMCO Spring leh Fall velah a che tha thei hle a, hei vanga mi hriat hlawh chho tan a ni a. A che rang a, a rilru a chak hle bawk a, hei vang tak hian sniper shot pawh a hlah ngai meuh lo. India ram chhungah chuan sniper tha berte zinga sawi a ni.
7. Slayer
Slayer hi Kolkata lama awm niin, sniper tha deuh mai a ni a. Team IND ah a tel mek a, SouL member te pawh a lo ni tawh thin a ni.
6. Clutchgod
TSM-Entity member Clutchgod hi PUBG Mobile India Series 2019 ah khan a chet that em avangin India ramah boruak a nei chho tan a. Kum 16-a upa chauh ni mah se India top team pahnih - SouL leh 8bit ah te pawh a lo tel ve tawh a ni.
5. Franky
Player tha zingah Franky hi a tel thar ve deuh chauh a, chuti chung chuan a tha ber pawla sawi a ni thei nghal a. Silai chi hrang hrang a hmang thiam hlawm em em a, game kalhmang a hre thei em em bawk a, hei tak hi a thatna pawh a ni. Fnatic chuan Franky hi an tangkaipui hle a, PUBG Mobile Pro League ah pawh an player pawimawh ber tura ngaih a ni.
4. Owais
Team Fnatic member Owais hi a thluak a tha a, silai a hmang thiam em em bawk a, a teammate te tan chuan player tangkai em em mai a ni a. A hmain Team SouL ah pawh a lo tel tawh thin a, he team-a a tel lai hian inelna lianah chuan hneh theih loh tluka ngaih an ni thin. An inthen darh hnuah Owais, Ronak leh Sc0ut te chuan Xspark an din a, Fnatic tiin a hming hi an thlak tawh a, Owais hi captain a ni.
3. Mortal
Team kaihruaitu tha em em mai Mortal hian an chak thei dawn lo emaw tih hnuah pawh a pawlte chu a chakpui fo a, hetiang taka ngaihtuahna fim hmang thiam hi a ni. Tunah hian YouTube lamah subscriber hi 4 million a nei tling tawh a, inelna sang deuh hlekah chuan Mortal hian tel theih zel a duh a ni.
2. Sc0ut
Sc0ut hi India rama games khel thinte zingah chuan ngaisangtu ngah em em mai a ni a, amah hre tawh chuan a inkhelh thiam zia hi an sawi nasa thei hle. Game khelh nuam a ti a, a thiam em em a, a rang viau bawk a. Tunah hian Team Fnatic member niin, 4-finger claw setup a hmang a, YouTube lamah ni tin a steam thin a, subscriber pawh 1 million a nei tling dawn tawh a ni.
1. Jonathan
TSM-Entity Gaming member Jonathan hi India ramah chuan tha bera ngaih a ni a, khawvel huapah pawh a tha berte zinga sawi tel a ni. PMCO Fall Split ah khan Jonathan hi kill leaderboard-ah pangana a ni thei a ni.