Thawk khat lai khan Inkhel.com page-ah kan rawn tarlang zuai a, kan hlimpui hle a, thiante in han tag chuah chuah bawk a, chutih laiin he thil hi a nih theih hi kan ring ngai lo hrim hrim a ni.
Eng chu maw ?
Pornhub-india in India ram chhunga an porn website en hnem dan survey an neih tum khan Mizoram kan chungnung hle a, page viewed per visit-ah a chungnung ber kan ni. Average visit duration-ah pawh kan chungnung ber bawk.
Pornhub-in an zirchianna an tlangzarh hi India ram media hrang hrangin an ziak chhawng zel a, Mizoram hming a chhe zawngin a thang mek. Keini inkhel.com chuan hetiang zawnga Mizoram hming a hliau hi kan duh lo hle a, pornhub-in an traffic an lo enna hi a dik tawk lo tih chiang takin kan rawn sawi dawn e.
Mizoramah Internet a la mumal lo
State thang mek kan ni a, internet broadband pawh mi nawlpui chuan kum 6 vel chiah kan la hmang ang. MIzoram state leh India hmachhar state-ah hian internet a la mumal lo hle. Mizoram chhunga internet service provider lian ber chu BSNL an ni a, anni hian direct IP min pe lo lehnghal. Hei vang hian visitors count pawh a dik tak tak thei dawn lo chiang mai.
Inkhel.com-in visitors Mizoram atangin kan nei lo ?
A makin a awihawm loh hle mai. Inkhel.com hi Mizotawng Sports website a ni a, wesite visitor hi Google analytics chuan nitin 40,000 vel niin min chhut sak. Hetih lai hian Mizoram atangin visitor an awm lo tih Overview atangin kan hmu ? Mizo bak he website-ah hian an luh kan ring si lova.
Delhi te, Kolkata te, Mumbai leh Guwahati atangte chuan rawn lut an awm nawk, mahse Mizoram State atangin lut an tam ber tura ngaih a nih laiin, hetia Mizoram atanga visitor pakhat te pawh awm lo anga a tarlang hian Mizoram internet mumal loh zia a tilang chiang hle mai.
Online-a video en kan internet speed-in a la zo lo.
Mizoramah hian youtube kan la enjoy ve tak tak thei lo. Mimal tlema internet speed chak deuh hlek duhin thla khata Rs. 1450 man vel 4mbps plan an pawt, BSNL mumal loh zia chu tu pawhin kan hria ang, 20 GB free kan neih lai chuan a chak ve hle, mahse ngawrh taka video en dawn chuan kar khat chhungin a zo vek hman he 20 GB hi. 20GB a zawh chuan a muang hle a, video enna tlak pawh a ni tawh thin lo.
Mi nawlpuiin hei aia plan hniam thla khata Rs. 1000 man vel an pawt a, youtube leh video dang enna turin BSNL connection hian min zo lo deuh chu a ni. Kan chianna em em chu, inkhel.com hian website-ah video kan tar ve zauh zauh a, tlema video HIT deuh nia kan hriatte pawh website visitors 20% vel chauhin an en thei !
Hengte a nih avang hian online-a video en ai chuan torrent velah porn video an download ber. Heng torrent website-a download hi pornhub chuan engti kawng mahin an traffic-ah hian an chhiar tel thei lo hrim hrim.
Population atangin percentage an la a niang ?
Hei pawh hi a ni thei chuang lo. Mizoram mipui zawng zawng hi nuai 10 velah lo inchhut ta ila. Internet hmang tak tak chu nuai 1 pawh kan tling kher lovang. Internet chak ve nia kan ngaih hi Aizawlah a awm deuh ber ti ila kan sawi sual lovang. Aizawlah pawh video en pap pap tur khawpa broadband plan tha pawt chu mi Sang 3 vel an nih chuan a tha lam an ni ang. Chung ho chuan pornhub nitin zan tin chhum lo chat lovin en ta se, Nuai 10 atanga mi Sang thum atanga Sang li vel chuan eng percentage tha tak mah an hlawh chhuak dawn lo hrim hrim.
Indian sex kan en peih lo hrim hrim
Pornhub-in Porn category hrang hrang zinga India ramin an en tam ber a tih chu Indian sex lam a ni. CD Video library a awm laite khan Indian Sex video an kawl ngai lo. Tuna Personal computer emaw Office-a computer hrang hranga porn movie awmte hi Indian Sex a ni lo vek ti ila kan sawi sual kan ring lo. Mizo ten Indian Sex Video kan lo kawl palh a nih pawhin Sunny Leon bak a ni lovang. Sap ngaisang hnam kan ni a, Indian Sex aiin Sap ho Porn movie en duh zawk Mizote hi India ram chhunga Pornhub lut hnem ber leh Indian Sex en hnem ber kan ni thei lo hrim hrim a ni.
Thutlukna
pornhub.com/insights/pornhub-india -in a zirchianna hi a dik lo tih huai takin keini inkhel.com chuan kan sawi ngam a ni.