Kumin-a neih tura ruahman, FIFA U17 Women’s World Cup chu coronavirus avangin sawn hlat a ni a, khelh hun tur hi la puanzar leh tur a ni.

Hmeichhe U17 World Cup hi kumin November thla hian India-a neih tura tih a ni a, mahse COVID-19 avangin sawn hlata ngaia, kumin chhunga neih theih a nih a rinawm tawh lo.

FIFA hian COVID-19 chungchang ngaihtuah bik turin committee an dina, he committee hian hmeichhe U17 World Cup bakah hmeichhe U20 World Cup pawh an sawn hla dawna, heng khelh hun tur hi la puanzar leh tur niin nakkum lamah an nih tawh a rinawm.

Nikum March thla khan hmeichhe U17 World Cup hi India-in a thleng dawn tih puanzar a ni a, kum 2017 khan India hian mipa U17 World Cup pawh hlawhtling takin an lo thleng tawh a ni.