19 Nov 2018 11:31

inkhel

India Cup Open International Taekwondo Championship-ah Mizoram an che tha

1st India Cup Open International Taekwondo Championship November ni 16-18, 2018 khan silchar-ah khelh a ni a, Mizoram chu a pumpuiah 2-na an ni. A thlengtu Assam 1-na niin Manipur 3n-a an ni bawk.

Mizoram team te hian fight lamah endiktute lawm an hlawh hle a. Chuvangin Best Kyorugi Team lawmman bakah mimal lawmman Best Poomsae Award Daniel Lalhumthanga, Chhinga Veng & Arjun Pandey, Armed Veng South,  Best Poomsae Player Lalfakzuala Hlimen leh Youngest Player Award Zaihruaimawii Mission Vengthlang te hnenah hlan an ni.

MATA chuan he championship khel tue hian Sub Junior, Cadet, Junior team te a tir a. A vaiin Gold 30, silver 8 leh Bronze 12 an la. TFI ruat angin Master Joseph Thansanga chu Competition Referee Chairman niin , National Refree te Tv Alan Z.Rosema leh Nl Vanlalhmangaihthangi te an official bawk a ni.