FIBA Asia Under 16 Women Championship vawi 4 na chu August 2-9,2015 chhungin Medan, Indonesia-ah neih a ni dawn a. India basketball team manager atan Lalrinfela, Gen.Secretary, Mizoram Basketball Association chu ruat a ni.
Basketball Federation of India-in manager atana an ruatna lehkha hi Lalrinfela hian dawng tawhin kal ngei a tum thu a sawichiang tawh a, July 30,2015 Ningani hian New Delhi-ah a chhuk ang.
India team hi Level I-ah an khel dawn a, China, Japan, South Korea, Chinese Taipei leh Thailand te nen awm tlangin an tha hlawm hle a ni. Level II-ah Malaysia, Kazakhstan, Indonesia, Hong Kong leh Singapore te an awm ve bawk.
MBBA ziaktu lian Lalrinfela chuan Mizoramin hriat kan hlawh tan zel a, tuna India team hruai tura min thlang pawh hi ka tan mai ni lo, Mizoram tan thil hlu leh chhinchhiahtlak, basketball-a hma kan sawn zelna tura rahbi hmasaah ka ngai a. Hetiang dinhmun hi Mizoten kan chan vawi khatna a nih avangin a tha thei ang bera ka hna pawh hlenchhuah ka tum a ti.