Vawiin, June ni 29, kum 2015 khan Bangalore khawpuiah India rama MMA association hlun leh lian ber All India Mixed Martial Arts Association (AIMMAA) team India inpuahchahna hnunung National coach Alan Fenandes kaihhruaina hnuaiah neih a ni. Media mite kawmin India team ram pawna khawvel infiamna lar leh mi mit hmuh nuam tih ber ni chho mek MMA game-a a feh chhuah hmasak berna tur a nih angin India tan history ropui tak a nih thu a puang.
Khawvela amateur MMA body lian ber Internatinoal MMA Federation huaihawt world championship, 6-11 July, 2015-a Las Vegas-a neih turah chuan AIMMAA chuan uluk takin team a thlang a, training ngawr taka neihpui a ni bawk a, amaherawhchu, visa leh harsatna neuh neuh awm vangin official takin a puang lawk thei lo va, vawiinah media hmaah India team chu a puang ta a ni, hetiang hian:
Team Commissioner: Daniel Isaac
Team Head Coach: Alan Fenandes
Officials:
1.Samuel Lalrozâma Hmar (Referee & Judge)
2.Prasad Gaitonde (Judge)
Assistant coaches & managers:
1.Raghavendra Hondadakeri
2.Asad Khayoom
3.Akram Hussain
4.Sarwar Mohiuddin
5.Shilpa Boloor
Fighters:
1.Mohammed Sohail (Men’s Flyweight: -56.7 kg /125 lbs)
2.Navin Ravishankar (Men’s Bantamweight: -61.2 kg /135 lbs)
3.Kantharaj Shankar (Men’s Featherweight: -65.8 kg /145 lbs)
4.Kaushik Boloor (Men’s Lightweight: -70.3 kg /155 lbs)
5.Bhoopendra Kumar (Men’s Welterweight: -77.1 kg /170 lbs)
He event hi khawvela professional MMA promoter lian ber Ultimate Championship (UFC) sponsor tur a ni. Pu Alan-a chuan khawvel puma official 21 thlan chhuah, UFC soponsor tur zinga India ram atanga mi pahnih an tel chu a lawm thu a sawi a, tin, official dinhmun sang ber referee meuhva Mizoram State MMA Association technical chairman, tuna Bangalore-a awm mek Tv. Samuela a tel ve thei hi a Mizoram tan mai ni lo, India ram tana mellung pawimawh tak phuntu a nih thu a sawi bawk.
He championship chhung hian IMMAF thawhpui pawl lian tak hnuaiah khawvel pum huap jiu-jitsu championship a awm dawn bawk a, chutah chuan amah leh Samuela hi India ram atanga qualify an nih thu a sawi a, Pathianin hun tha a siam a nih chuan India aiawhin an tel dun tur thu a sawi bawk. India ramah chuan MMA hi miin an la hre lar lo hle a, media mite pawhin an la hre chiang lo va, UFC hi a game hming emaw te kan la ti fo. Amaherawchu, media te support-na leh min phurpuitute zarah hma a sawn ve zel a, nakkum lamah phei chuan tun aia nasa zawka hma lak an tum thu leh nakin hun lamah chuan tournament lian zawk One Championship, Bellator leh UFC thleng pawha India fighter te nawr chhuah an tum thu a sawi a ni.
He championship chhung hian khwavel hruaitu tur thlanna a awm dawn a, chutah chuan Asia khawmual hruaitu atan India national commissioner Pu Daniel Isaac hming a tel ve thu a sawi bawk. Tin, North East ramte hi fighter tha kan neihna a ni a, fighter te sum harsatna vangin an chhuak tam thei lo erawh pawi a ti a, chutiang zingah chuan Mizo fighter chungah beiseina a ngah thu a sawi a, tuna Mizoram instructor ni mek Deng Thanchhunga (Manova) chu beiseiawm zual a nih thu leh national body pawhin a hma a ngaihsak tur thu a sawi.