06 Jun 2019 12:18

inkhel

​IMG Reliance aiawhin Sports Minister Kawm

Pu Aneesh Mysore, IMG Reliance aiawh chuan Pu Robert Romawia Royte,Sports Minister chu a pisaah hmuin Zorama sports tihhmasawn dan tur leh IMG Reliance hnathawh dante an sawi dun.

IMG hi khawvel huapa sports hmasawnna atana thawhhlawk em em a ni a, India ramah chuan Mi hausa tawntaw Mukesh Ambani Company lian Reliance nen thawk dunin IMG Reliance tih an ni. Reliance Foundation Youth Sports dinin sports discipline thlanbik 7 Weightlifting, Shooting,Wrestling, Badminton, Archery,Boxing leh Athletics-ah te sum tam tak sengin hma an la chho mek a ni.

Minister Pu RRR chuan Mizoten sports-ah Talent an neih that zia chu Jeremy Rinnunga Weightlifter Youth Olympic Champion atang hian a lang chhuak tan mek a,IMG Reliance enkawlna dawng se chuan Mizo naupang engemaw zat chu India tihmingthatu an ni thei a, Mizoram Sorkar chu IMG Reliance nena sports tihhmasawnna atana thawkdun turin a inpeih tih a hrilh bawk.

June ni 5, Nilaini khan Sports Minister leh Pu Aneesh hi inbe lehin ni 2/3 lek a zir chhunga Mizorama sports hmasawn theih dan tura a ngaihdan te Pu Aneesha hian Minister chu a hrilh a, Sports Minister pawhin remchang hnasaberah sports tihhmasawn dan tur sawipui turin Reliance Foundation Chairman Nita Ambani leh hotu dangte Mumbaia hmuh a tum thu a hrilh bawk.