06 Sep 2019 06:11

bakteaJr.

Mizo tlangval

III Div Season Opening Football Tournament-ah Ramthar Veng an champion

Ramthar Veng Football Club te chuan sikhat faiin an veng thenawm Armed Veng Football club chu hnehin NECS ADFA III Div Season Opening Football Tournament-ah an champion.

Season kalta khan Ramthar Veng FC hi III Div atangin an relegate a, playoff hmanga rawn in pet tling leh in an tournament hmachhawn hmasakberah hnehloh nei lovin an champion thei a ni.

Final-ah hian team pahnih te hi an inkhel tawk hle a, inkhel tan atanga min 5 lek a liam tih in Rochungnunga chuan Ramthar Veng FC hmahruaina goal a thun. Armed Veng FC lam hian an siphurh sut tum in nawr viau mahse goal hlauhawm an insiam hleitheilo a, inkhel boruak erawh a tangin referee in red card paruk lai a phawrh.

Tournament chhung zawngin Ramthar Veng FC defence an khawng tha a, goal hnih chiah chhuah in final-ah hian an goal an venhim theih leh tak avangin Champion nomawi an chawi theih phah ta a ni.

Ramthar Veng FC 1 - 0 Armed Veng FC

(Rochungnunga 5')

Champion : Ramthar Veng FC, Rs 20000/-,Trophy & Certifcate

Runner Up : Armed Veng FC, Rs 10000/- & Certificate

Fairplay Award : FC Dawrpui Vengthar, Rs 2000/-

Best Player : R.Lalbiakhlua J.13 Ramthar Veng FC, Rs 1000/-,Trophy & Certificate

Top Scorer : Lalhlimpuia 7 Goals FC Dawrpui Vengthar, Rs 1000/-,Trophy & Certificate