10 Oct 2020 01:00

inkhel

IFMA Virtual World Championship-ah Mizo pali

COVID-19 vanga tournament a huaihawt theih tak loh vangin world muaythai governing body IFMA chuan virtual world championship a buatsaih dawn a, october ni 20, 2020 aṭanga ṭan tur a ni.

India pawh a Inpuahchah nasa hle a, athlelte 40 leh official 9 chu India aiawha tel turin IFMA chuan a thlang fel tawh (qualify) a ni.

Tournament-ah hian event pali a awm dawn a: Waikru, shadow, maxfit leh aerobic, live a neih tur a ni a, judge 3 in an endik zel dawn a ni.

India aiawha tel turin Muaythai Association of Mizoram chuan mi 7 thlangchhuakin inelna 8 an hmachhawn a, chung zing aṭang chuan player 3 India aiawha tel turin United India Muaythai Association chuan a thlang ta a ni. Mizo player pathum bakah hian India aiawha official turin Samuel Lalrozama Hmar thlan a ni bawk. Ani hian intihsiakna chi hnih - Wai kru leh Shadow Box te a endik dawn a ni.

IFMA Virtual World championship a India aiawha tel turte -

1. RC Rohlupuia, Dinthar (-15 years Shadow Box)

2. Lalngaihawma, Hunthar (-17 years MaxFit)

3. K. Lalramchhana, Dawrpui (+40 years, +75kgs MaxFit)

4. Samuel Lalrozâma, Dawrpui (Waikru & Shadow Box Referee)