​I-league matchweek 1 zawh a ni ta

11th January 2016, 06:01AM

January ni 9, 2016 khan I-League 2015/16 season tan a ni a, Match Week 1-ah match 4 awmin, Mohun Bagan, Bengaluru leh East Bengal-te chuan an khingpui theuh an hneh a ni.

Season kick off niah Champion lai Mohun Bagan chuan 3-1 in kai thar Aizawl FC an hneh a, Bagan tan Cornell Glen chuan goal hnih a khung a, Balwant Singh chuan goal khat a khung bawk. Aizawl FC goal hi own goal a ni a, Aizawl FC forward Alfred-a pet chu Pritam Kotal chuan an lamah a ti goal palh hlauh a, heng goal 4-te hi first half-a lut vek an ni.

Bengaluru FC chuan 2-1 in Salgaocar chu an mualah an hneh a, tan atanga minute 5-na lekah Vineeth chuan Bengaluru hma a hruai pui a, he goal hi first half tawp dawn minute 4 la awmin, Darryl Duffy chuan Salgaocar tan a rul. 1-1 in an inhnehtawk tawh dawn emaw tih laiin second half 60 mins-ah Sunil Chhetri chuan 20 yards atangin free kick mawi takin a pet goal, 2-1 in Bengaluru FC an chak ta a ni.

Pathianni match-ah Shillong Lajong leh Mumbai FC te goal awm lovin an inhnehtawk a. East Bengal erawh Sporting Club de Goa khel mualah 3-1 in an chak a ni. Mual neitu Sporting Club de Goa lamin 29 mins-ah goal an khung hmasa a, Onyeka Okolie chuan a chak zia lan tirin East Bengal defender-te a pal darh a, a pet goal. Mahse Ranti Martins-a goal hnih leh Bikash Jairu-a goal khat hmangin East Bengal chuan 3-1 in an lehthal leh ta a ni.

I-League-ah hian club 9 an awm a, matchweek 1-ah hian DSK Shivajians an khel ve lova, an match hmasa ber hi January ni 17-ah Sporting Club de Goa nen an khel ang.

Match Week 1 Results :

Mohun Bagan 3 - 1 Aizawl

(Cornell Glen 5', 22', Balwant Singh 29') ( Pritam Kotal 16' OG)

Salgaocar 1 - 2 Bengaluru FC

(Darryl Duffy 41' pen) (C. K. Vineeth 5', Sunil Chhetri 60')

Shillong Lajong 0 - 0 Mumbai FC

Sporting Club de Goa 1 - 3 East Bengal Club

(Onyeka Okolie 29') (Ranti Martins 67', 81', Bikash Jairu 79')

Fixtures :

January 16

01:00 PM Aizawl vs Bengaluru FC

04:30 PM Mohun Bagan vs Salgaocar

January 17

04:30 PM Sporting Club de Goa vs DSK Shivajians

07:05 PM Mumbai FC vs East Bengal Club

picture credit : goal.com & i-league.org

Copyright © inkhel.com 2024. All rights reserved.