Chennai City FC chuan 2016 Mizoram Premier League Best player an lakluh thu an tarlang.

MPL Club Chanmari FC tana khel mek Malsawmfela hi Chennai City FC chuan loan-in season khat chhung atan an lalut. December ni 16, 2016 khan Mizoram Premier League final-ah Chanmari FC chuan si thum faia Bethlehem Vengthlang FC hnehin MPL season 5 title an la a.

Chanmari FC champion theih nan hian Malsawmfela hian tha a thawh hlawk hle a, goal 11 lai khungin, MPL 5 Best player leh Best foward-a thlan a ni nghe nghe.

Thawkkhatlai khan a rih zawng a enkawl tha lem lo, a lian hle a, mahse goal khung erawh a bansan thei lo, engtik lai pawhin foward hlauhawm a ni a, a talent tha tak hi Chennai City FC chuan an hmuh hmaih lo, an la ta chat a ni.

Mohun Bagan Academy atanga zir chhuak niin Palian Arrows tan a khel thin a, Aizawl FC tan a khelh hnuah MPL Club Chanmari FC a pan a, MPL title a lakpui hnuah I-League club Chennai City FC a zawm ta a ni.